ಉಕ್ರೇನ್‌ನ ರಣರಂಗದಲ್ಲಿ ಅರಳಿದ ಅನುಬಂಧ

ಉಕ್ರೇನ್‌ನ ರಣರಂಗದಲ್ಲಿ ಮದುವೆಯೊಂದು ನಡೆದಿದೆ! ಉಕ್ರೇನ್‌ನ 112ನೇ ಬ್ರಿಗೇಡ್‌ ಪಡೆಯ ಲೆಸ್ಯಾ ಹಾಗೂ ವಲೆರಿಟಿ ಎಂಬ ಯೋಧರಿಬ್ಬರು ಪ್ರೇಮಿಗಳು.

ಇತ್ತೀಚೆಗೆ ಮದುವೆಗಾಗಿ ಸಿದ್ಧತೆ ನಡೆಸಿದ್ದ ಅವರಿಗೆ ಯುದ್ಧ ಅಡ್ಡಿಯಾಗಿ ಪರಿಣಮಿಸಿತ್ತು. ಮದುವೆ ಆಸೆಯನ್ನು ಕೈಬಿಟ್ಟು ಇವರಿಬ್ಬರೂ ಕರ್ತವ್ಯಕ್ಕೆ ಮುಂದಾಗಿದ್ದರು.

ಯುದ್ಧ ಬೇಗನೇ ಮುಗಿಯದ ಕಾರಣ, ಈಗ ಉಕ್ರೇನ್‌ನ ಒಡೆಸ್ಸಾದಲ್ಲಿರುವ ಸೇನಾ ಶಿಬಿರದಲ್ಲಿ ಚರ್ಚ್‌ನ ಫಾದರ್‌ ಮುಂದಾಳತ್ವದಲ್ಲಿ ವಿವಾಹವಾಗಿದ್ದಾರೆ. ಇವರ ವಿವಾಹದ ಫೋಟೋಗಳನ್ನು ಕೀವ್‌ಪೋಸ್ಟ್‌ ಎಂಬ ಟ್ವಿಟರ್‌ ಹ್ಯಾಂಡಲ್‌ನಿಂದ ಶೇರ್‌ ಮಾಡಲಾಗಿದೆ.