Manipal: ಮೂವರ ಮೇಲೆ ಜೇನುನೊಣ ದಾಳಿ; ಓರ್ವನಿಗೆ ಗಾಯ

ಮಣಿಪಾಲ: ದಾರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದವರ ಮೇಲೆ ಜೇನು ನೊಣಗಳು ಏಕಾಏಕಿ ದಾಳಿ ಮಾಡಿರುವ ಘಟನೆ ಹೆರ್ಗದಲ್ಲಿ ನಡೆದಿದೆ.

ಹೆರ್ಗ ಪರಿಸರದ ನಿವಾಸಿಗಳಾದ ಉದಯ ಶೇರಿಗಾರ್‌, ಗ್ಯಾಬ್ರಿಯಲ್‌, ಸದಾಶಿವ ಅವರು ಹೆರ್ಗ ಅಯ್ಯಪ್ಪ ಆರಾಧನ ಶಿಬಿರಕ್ಕೆ ಸಂಪರ್ಕಿಸುವ ದಾರಿಯಲ್ಲಿ ಸಾಗುತ್ತಿದ್ದ ವೇಳೆ ಏಕಾಏಕಿ ಜೇನು ನೊಣಗಳು ದಾಳಿ ನಡೆಸಿದವು. ಜೇನುನೊಣ ಕಡಿತಕ್ಕೆ ಒಳಗಾದ ಉದಯ ಶೇರಿಗಾರ್‌ ಗಾಯಗೊಂಡು ಮನೆಯ ಗುಡ್ಡದಲ್ಲಿ ಪ್ರಜ್ಞೆ ತಪ್ಪಿ ಬಿದ್ದರು. ಸ್ಥಳೀಯರು ಮತ್ತು ಕುಟುಂಬ ಸದಸ್ಯರು ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದರು.

ಜೇನು ನೊಣ ಕಡಿತಕ್ಕೆ ಒಳಗಾದ ಇನ್ನಿಬ್ಬರು ಆಸ್ಪತ್ರೆಗೆ ತೆರಳಿ ಪ್ರಾಥಮಿಕ ಚಿಕಿತ್ಸೆ ಪಡೆದು ಮನೆಗೆ ಮರಳಿದ್ದಾರೆ.