“ವೋಗ್‌’ಮುಖಪುಟದಲ್ಲಿ ಮಿಂಚಿದ 106ರ ಟ್ಯಾಟೂ ಕಲಾವಿದೆ!

ಜಾಗತಿಕ ಗಣ್ಯರು, ಸೆಲೆಬ್ರಿಟಿಗಳು “ವೋಗ್‌’ ನಿಯತಕಾಲಿಕೆ ಮುಖಪುಟದಲ್ಲಿ ಮಿಂಚುವುದನ್ನು ನೋಡಿದ್ದೀರಿ. ಆದರೆ, ಈ ಬಾರಿ ವೋಗ್‌ ಫಿಲಿಪ್ಪೀನ್ಸ್‌ ತನ್ನ ಏಪ್ರಿಲ್‌ ಆವೃತ್ತಿಯಲ್ಲಿ 106 ವಯಸ್ಸಿನ ಸಾಂಪ್ರದಾಯಿಕ ಟ್ಯಾಟೂ ಕಲಾವಿದೆ ಅಪೋ ವ್ಹಾಂಗ್‌-ಆಡ್‌ ಅವರನ್ನು “ಕವರ್‌ ಸ್ಟಾರ್‌’ ಆಗಿ ಪ್ರಸ್ತುತಪಡಿಸಿದೆ.

ಈ ನಿಯತಕಾಲಿಕೆಯ ಮುಖಪುಟದಲ್ಲಿ ಕಾಣಿಸಿಕೊಂಡ ಅತ್ಯಂತ ಹಿರಿಯ ವ್ಯಕ್ತಿ ಎಂಬ ಖ್ಯಾತಿಗೂ ಈ ಶತಾಯುಷಿ ಪಾತ್ರರಾಗಿದ್ದಾರೆ. ಬಸ್ಕಲಾನ್‌ನ ಪರ್ವತಪ್ರದೇಶದ ಗ್ರಾಮದಲ್ಲಿ ಬದುಕುತ್ತಿರುವ ಅಪೋ ಅವರು ಅತಿ ಹಿರಿಯ ಮಾತ್ರವಲ್ಲ, ಕೊನೆಯ “ಮಂಬಾಬಟೋಕ್‌’ (ಸಾಂಪ್ರದಾಯಿಕ ಕಳಿಂಗ ಟ್ಯಾಟೂ ಕಲಾವಿದೆ) ಕೂಡ ಹೌದು.