Adani: ಹಸುರು ಇಂಧನ ಕ್ಷೇತ್ರದಲ್ಲಿ ಅದಾನಿ ಕುಟುಂಬದಿಂದ 9,350 ಕೋಟಿ ಹೂಡಿಕೆ

ಹೊಸದಿಲ್ಲಿ: ಉದ್ಯಮಿ ಗೌತಮ್‌ ಅದಾನಿ ಮಾಲಕತ್ವದ ಅದಾನಿ ಗ್ರೀನ್‌ ಎನರ್ಜಿ ಕಂಪೆನಿಯಲ್ಲಿ 9,350 ಕೋಟಿ ರೂ. ಮೊತ್ತವನ್ನು ಹೂಡಿಕೆ ಮಾಡಲಾಗಿದೆ. ಈ ಬಗ್ಗೆ ಅದಾನಿ ಗ್ರೀನ್‌ ಎನರ್ಜಿ ಲಿಮಿಟೆಡ್‌ನ‌ ಸಭೆಯಲ್ಲಿ ತೀರ್ಮಾನ ಮಾಡಲಾಗಿದೆ. ಆರ್ಡರ್‌ ಇನ್ವೆಸ್ಟ್‌ಮೆಂಟ್‌ ಹೋಲ್ಡಿಂಗ್‌ ಲಿಮಿಟೆಡ್‌ ಮತ್ತು ಅದಾನಿ ಪ್ರಾಪರ್ಟೀಸ್‌ ಪ್ರೈ.ಲಿ ಮೂಲಕ ಈ ಹೂಡಿಕೆ ಮಾಡಲಾಗಿದೆ.

ಜತೆಗೆ ಪ್ರತೀ ಷೇರುದಾರು ಮತ್ತು ಹೂಡಿಕೆದಾರರಿಗೆ ಪ್ರತೀ ಷೇರಿಗೆ 1,480.75 ರೂ ಅನ್ವಯ ಷೇರುಗಳನ್ನು ನೀಡಲೂ ತೀರ್ಮಾನಿಸಲಾಗಿದೆ. 2030ರ ವೇಳೆಗೆ 45 ಗಿಗಾವ್ಯಾಟ್‌ನಷ್ಟು ನವೀಕರಿಸಬಹುದಾದ ಇಂಧನ ಉತ್ಪಾದನೆ ಗುರಿಯನ್ನು ಕಂಪೆನಿ ಹೊಂದಿದೆ.