“ಉತ್ತಮ’ತಹಶೀಲ್ದಾರ್‌ ಬಳಿ 93 ಲಕ್ಷ

ಹೈದರಾಬಾದ್‌: ಎರಡು ವರ್ಷಗಳಿಂದ “ಉತ್ತಮ ತಹಶೀಲ್ದಾರ್‌’ ಎಂಬ ಪುರಸ್ಕಾರಕ್ಕೆ ಪಡೆದ ತೆಲಂಗಾಣದ ಅಧಿಕಾರಿಯ ನಿವಾಸದಲ್ಲಿ 93 ಲಕ್ಷ ರೂ. ಮೌಲ್ಯದ ನಗ, ನಗದು ಪತ್ತೆಯಾ ಗಿವೆ. ಭ್ರಷ್ಟಾಚಾರ ನಿಗ್ರಹ ದಳ ರಂಗಾ ರೆಡ್ಡಿ ಜಿಲ್ಲೆಯಲ್ಲಿ ಕಂದಾಯ ಇಲಾಖೆಯಲ್ಲಿ ಅಧಿಕಾರಿ ಯಾಗಿರುವ ವಿ.ಲಾವಣ್ಯ ಎಂಬುವರ ನಿವಾಸದ ಮೇಲೆ ದಾಳಿ ನಡೆಸಿದಾಗ ಈ ಅಂಶ ಬೆಳಕಿಗೆ ಬಂದಿದೆ. 93 ಲಕ್ಷ ರೂ. ನಗದು ಮತ್ತು 400 ಗ್ರಾಂ ಚಿನ್ನ ಪತ್ತೆಯಾಗಿವೆ. ಲಾವಣ್ಯರ ಕಿರಿಯ ಸಹೋದ್ಯೋಗಿ ಅಂತಯ್ಯ ಎಂಬಾತ 4 ಲಕ್ಷ ರೂ. ಲಂಚ ಸ್ವೀಕರಿಸುತ್ತಿದ್ದಾಗ ಬಲೆಗೆ ಬಿದ್ದಿದ್ದ. ರೈತನೊಬ್ಬನ ಬಳಿ 8 ಲಕ್ಷ ರೂ. ಲಂಚ ಕೇಳಿದ್ದ ಪ್ರಕರಣ ಇದಾಗಿದೆ. ಈ ಮೊತ್ತದಲ್ಲಿ 5 ಲಕ್ಷ ರೂ. ಲಾವಣ್ಯಗೆ, 3 ಲಕ್ಷ ರೂ. ಗ್ರಾಮ ಕಂದಾಯ ಅಧಿಕಾರಿಯಾಗಿರುವ ಅಂತಯ್ಯಗೆ ಎಂದು ಹೇಳಲಾಗಿತ್ತು.