“83′ವಿಶ್ವಕಪ್‌ ಚಿತ್ರ: ಕಪಿಲ್‌ ಕುತೂಹಲ

ಮುಂಬಯಿ: ಭಾರತದ 1983ರ ವಿಶ್ವಕಪ್‌ ಕ್ರಿಕೆಟ್‌ ಗೆಲುವು ಈಗ ಚಿತ್ರವಾಗುತ್ತಿದ್ದು, ಇದನ್ನು ಅಂದಿನ ನಾಯಕ ಕಪಿಲ್‌ದೇವ್‌ ತೀವ್ರ ಕುತೂಹಲದಿಂದ ಕಾಯುತ್ತಿದ್ದಾರೆ. ಆದರೆ ಈ ಚಿತ್ರದಲ್ಲಿ ತಾನೊಬ್ಬನೇ ಕೇಂದ್ರಬಿಂದು ಆಗಿರುವುದನ್ನು ಬಯಸಲಾರೆ, ಇದೊಂದು ತಂಡ ಪ್ರಯತ್ನ ಎಂಬುದಾಗಿ ಕಪಿಲ್‌ ಹೇಳಿದರು.

“ನಾನು ಆ ತಂಡದ ನಾಯಕ ಹಾಗೂ ತಂಡದ ಓರ್ವ ಸದಸ್ಯನಾಗಿದ್ದೆ. ಎಲ್ಲರೂ 100 ಪ್ರತಿಶತ ನಿರ್ವಹಣೆ ನೀಡಿದ್ದರಿಂದ ಭಾರತ ಚಾಂಪಿಯನ್‌ ಆಯಿತು. ಹೀಗಾಗಿ ಚಿತ್ರದಲ್ಲಿ ನನ್ನ ಪಾತ್ರದ ನಿರ್ವಹಣೆಯನ್ನಷ್ಟೇ ಗಮನಿಸಲಾರೆ’ ಎಂದು ಕಪಿಲ್‌ ಹೇಳಿದ್ದಾರೆ.