ಮಂಗಳೂರು : 8 ತಿಂಗಳ ಮಗುವಿಗೆ ಚೈಲ್ಡ್‌ಲೈನ್‌ನಿಂದ ರಕ್ಷಣೆ

ಮಂಗಳೂರು : ನಗರದಲ್ಲಿ ಪಾನಮತ್ತಳಾಗಿ ತಿರುಗುತ್ತಿದ್ದ ಮಹಿಳೆಯ 8 ತಿಂಗಳ ಹೆಣ್ಣುಮಗುವನ್ನು ಜು.15ರಂದು ಚೈಲ್ಡ್‌ಲೈನ್‌ ತಂಡದವರು ರಕ್ಷಿಸಿದ್ದಾರೆ.

ಮಂಗಳೂರು ನಗರದ ಸರ್ಕಾರಿ ಆಸ್ಪತ್ರೆ ಬಳಿ ಮಹಿಳೆಯೋರ್ವಳು ಪಾನಮತ್ತಳಾಗಿದ್ದಾಳೆ, ಆಕೆಯ ಬಳಿ ಹೆಣ್ಣುಮಗುವೊಂದಿದ್ದು ಮಗುವಿಗೆ ರಕ್ಷಣೆ ನೀಡುವಂತೆ ಸಾರ್ವಜನಿಕರಿಂದ ಚೈಲ್ಡ್‌ ಲೆ„ನ್‌ -1098ಕ್ಕೆ ಮಾಹಿತಿ ಬಂದಿತ್ತು.

ದ.ಕ.ಜಿಲ್ಲಾ ಚೆ„ಲ್ಡ್‌ ಲೆ„ನ್‌ ತಂಡವು ಪಾಂಡೇಶ್ವರ ಪೊಲೀಸ್‌ ಇಲಾಖೆಯ ಸಹಕಾರದೊಂದಿಗೆ ಸ್ಥಳಕ್ಕೆ ಭೇಟಿ ನೀಡಿದಾಗ ಮಹಿಳೆಯು ವಿಪರೀತ ಪಾನಮತ್ತಳಾಗಿ ಕಂಡುಬಂದಿದ್ದಳು. ಆಕೆಯ ಬಳಿಯಿದ್ದ 8 ತಿಂಗಳ ಮಗುವಿಗೆ ಸೂಕ್ತ ರಕ್ಷಣೆಯ ಅಗತ್ಯವಿದ್ದುದರಿಂದ ಮಗುವನ್ನು ರಕ್ಷಿಸಿ ಮಕ್ಕಳ ಕಲ್ಯಾಣ ಸಮಿತಿಯ ಆದೇಶದ ಮೇರೆಗೆ ಬಾಲಕಿಯರ ವಸತಿನಿಲಯದಲ್ಲಿ ಪುನರ್ವಸತಿಯನ್ನು ಕಲ್ಪಿಸಲಾಗಿದೆ. ಮಹಿಳೆಯು ಕಳೆದ 15 ದಿನಗಳಿಂದ ಮಗುವನ್ನು ಹಿಡಿದುಕೊಂಡು ಪಾನಮತ್ತಳಾಗಿ ನಗರದಲ್ಲಿ ತಿರುಗಾಡುತ್ತಿದ್ದಳು ಎಂಬುದಾಗಿ ಸಾರ್ವಜನಿಕರು ತಿಳಿಸಿದ್ದಾರೆ.

ಈ ರಕ್ಷಣಾ ತಂಡದಲ್ಲಿ ಚೈಲ್ಡ್‌ ಲೈನ್‌ ದ.ಕ.ಜಿಲ್ಲೆಯ ಕೇಂದ್ರ ಸಂಯೋಜಕ ದೀಕ್ಷಿತ್‌ ಅಚÅಪ್ಪಾಡಿ, ಸದಸ್ಯರಾದ ಆಶಾಲತ ಕುಂಪಲ, ಸಿಬಂದಿಗಳಾದ ಸುಪ್ರಿತ್‌ ಆರ್ಲಪದವು, ಕವನ್‌ ಕಬಕ, ಶೋಭಾ ಹಾಗೂ ಪಾಂಡೇಶ್ವರ ಪೊಲೀಸ್‌ ಠಾಣಾ ಸಿಬಂದಿಗಳು ಪಾಲ್ಗೊಂಡಿದ್ದರು.