ಅಬ್ಬಾ ಭೂಮಿ ಗಾತ್ರದ 7 ಗ್ರಹಗಳು ಪತ್ತೆ!ವಾಸಿಸಲು ಯೋಗ್ಯ?NASA ಸಂಶೋಧನೆ

ಕೇಪ್ ಕ್ಯಾನವರಲ್: ಇದೇ ಪ್ರಥಮ ಬಾರಿಗೆ ಎಂಬಂತೆ ಎಲ್ಲರ ಹುಬ್ಬೇರಿಸುವಂತೆ ಖಗೋಳಶಾಸ್ತ್ರಜ್ಞರು ಭೂಮಿ ಗಾತ್ರದ 7 ಗ್ರಹಗಳನ್ನು ಪತ್ತೆ ಹಚ್ಚಿದ್ದಾರೆ. ಅವೆಲ್ಲಕ್ಕಿಂತ ಹೆಚ್ಚು ಕುತೂಹಲಕ್ಕೆ ಕಾರಣವಾಗಿರುವ ಅಂಶ ಯಾವುದೆಂದರೆ ಈ ಹೊಸ “ಲೋಕ’ ವಾಸಿಸಲು ಯೋಗ್ಯವಾಗಿರಬಹುದು ಎಂಬುದು ವಿಜ್ಞಾನಿಗಳ ಅಭಿಪ್ರಾಯವಾಗಿದೆ!

ನಾಸಾ ಮತ್ತು ಬಿಲ್ಜಿಯನ್ ನೇತೃತ್ವದ ಜಂಟಿ ಸಂಶೋಧನಾ ತಂಡ ನೂತನವಾಗಿ ಅನ್ವೇಷಿಸಿರುವ ಗ್ರಹಗಳ ಬಗ್ಗೆ ಬುಧವಾರ ಘೋಷಿಸಿದ್ದು, ಅವರ ಪ್ರಕಾರ ಈ ಗ್ರಹಗಳು ಅಕ್ವೇರಿಯಸ್ ನಕ್ಷತ್ರ ಸಮೂಹದಿಂದ ಬರೋಬ್ಬರಿ 40 ಜ್ಯೋತಿರ್ವಷಗಳಷ್ಟು ದೂರದಲ್ಲಿದೆ ಎಂದು ತಿಳಿಸಿದೆ.

ನಾವು ಈಗ 7 ಭೂಮಿ ಗಾತ್ರದ ಗ್ರಹಗಳನ್ನು ಪತ್ತೆ ಹಚ್ಚಿದ್ದೇವೆ, ಆ ಬಗ್ಗೆ ಸಾಕಷ್ಟು ಅಧ್ಯಯನ ನಡೆಸುತ್ತಿದ್ದೇವೆ. ಹೌದು ನಮ್ಮ ಅಂದಾಜಿನ ಪ್ರಕಾರ ಅಲ್ಲಿ ನೀರಿನ ಅಂಶಗಳಿದ್ದು, ಅದು ವಾಸಿಸಲು ಸಾಧ್ಯವಿದೆ. ಆದರೆ ಆ ಬಗ್ಗೆ ಇನ್ನೂ ಹೆಚ್ಚಿನ ಅನ್ವೇಷಣೆಯ ಅಗತ್ಯವಿದೆ ಎಂದು ಎಕ್ಸೋ ಪ್ಲ್ಯಾನೆಟ್ ಸಂಶೋಧಕ, ಲೇಖಕ ಮೈಕೆಲ್ ಗಿಲ್ಲೊನ್ ಅಭಿಪ್ರಾಯವ್ಯಕ್ತಪಡಿಸಿದ್ದಾರೆ.