ಮತ್ತೆ 6 ಮಂದಿಗೆ ಸೋಂಕು

ದಾವಣಗೆರೆ: ಗರ್ಭಿಣಿ ಒಳಗೊಂಡಂತೆ ಆರು ಜನರಲ್ಲಿ ಶನಿವಾರ ಕೋವಿಡ್ ಸೋಂಕು ದೃಢಪಟ್ಟಿದೆ. ಹರಿಹರದ 39 ವರ್ಷದ ಆರೋಗ್ಯ ಕಾರ್ಯಕರ್ತೆ(ರೋಗಿ ನಂಬರ್‌ 11156) ಸೋಂಕು ದೃಢಪಟ್ಟಿದೆ. ದಾವಣಗೆರೆಯ ಕೆ.ಟಿ.ಜೆ ನಗರದ 21 ವರ್ಷದ ಗರ್ಭಿಣಿ (ರೋಗಿ ನಂಬರ್‌ 11157), ದಾವಣಗೆರೆಯ 34 ವರ್ಷದ ವ್ಯಕ್ತಿ (ರೋಗಿ ನಂಬರ್‌ 11158)ಯಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಸೋಂಕಿನ ಮೂಲ ಪತ್ತೆ ಹಚ್ಚಲಾಗುತ್ತಿದೆ.

ಚನ್ನಗಿರಿಯ 60 ವರ್ಷದ ವೃದ್ಧೆ (ರೋಗಿ ನಂಬರ್‌ 11159)ಗೆ ರೋಗಿ ನಂಬರ್‌ 8804 ಸಂಪರ್ಕದಿಂದ ಸೋಂಕು ವಕ್ಕರಿಸಿದೆ. ರೋಗಿ ನಂಬರ್‌ 9890ರ ಸಂಪರ್ಕದಿಂದ ಹರಿಹರದ 34 ವರ್ಷದ ಮಹಿಳೆ (ರೋಗಿ ನಂಬರ್‌ 11160), 45 ವರ್ಷದ ವ್ಯಕ್ತಿ(ರೋಗಿ ನಂಬರ್‌ 11161) ಸೋಂಕು ದೃಢಪಟ್ಟಿದೆ. 10 ದಿನಗಳ ಕಾಲ ಕೋವಿಡ್ ಲಕ್ಷಣ ಕಾಣಿಸದ ಹಿನ್ನೆಲೆಯಲ್ಲಿ ದಾವಣಗೆರೆಯ ತರಳಬಾಳು ಬಡಾವಣೆ ನಿವಾಸಿ 50 ವರ್ಷದ ವ್ಯಕ್ತಿ (ರೋಗಿ ನಂಬರ್‌ 7576), ಚನ್ನಗಿರಿಯ ಕುಂಬಾರ ಬೀದಿಯ 58 ವರ್ಷದ ಮಹಿಳೆ (ರೋಗಿ ನಂಬರ್‌ 8801) ಹಾಗೂ 14 ವರ್ಷದ ಬಾಲಕ(ರೋಗಿ ನಂಬರ್‌ 8802) ಶನಿವಾರ ಜಿಲ್ಲಾ ನಿಗದಿತ ಕೋವಿಡ್‌ ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿದ್ದಾರೆ. ಜಿಲ್ಲೆಯಲ್ಲಿ ಒಟ್ಟು 289 ಪ್ರಕರಣಗಳಲ್ಲಿ ಇದುವರೆಗೆ 240 ಜನರು ಬಿಡುಗಡೆಯಾಗಿದ್ದಾರೆ. ಏಳು ಜನರು ಮೃತಪಟ್ಟಿದ್ದು, 42 ಸಕ್ರಿಯ ಪ್ರಕರಣಗಳಿವೆ.