50 ವರ್ಷ ಬಾಳಿಕೆ ಬರುವ ಖಾಲಿಯೇ ಆಗದ ಬ್ಯಾಟರಿ!

ಬೀಜಿಂಗ್‌/ನವದೆಹಲಿ: ನಿತ್ಯ ಚಾರ್ಜ್‌ ಮಾಡಿ ಮೊಬೈಲ್‌ ಬಳಸುವುದು ಸಾಮಾ ನ್ಯ   ವಾಗಿದೆ. ಕೆಲವೊಮ್ಮೆ ಬ್ಯಾಟರಿ ಡೌನ್‌ ಆಗುವುದು, ಚಾರ್ಜ್‌ ತೀರಾ ಕಡಿಮೆಯಾಗುವುದರಿಂದ ಕಿರಿಕಿರಿ ಉಂಟಾ ಗುತ್ತದೆ. ಈ ಸಮಸ್ಯೆಗೆ ಪರಿಹಾರ ನೀಡಲು ಚೀನಾದ ಕಂಪನಿಯೊಂದು ಬರೋಬ್ಬರಿ 50 ವರ್ಷ ಬಾಳಿಕೆ ಬರುವಂತಹ ಚಿಕ್ಕದಾದ ಬ್ಯಾಟರಿಯನ್ನು ತಯಾರಿಸುತ್ತಿದೆ.

ಬೀಜಿಂಗ್‌ ಮೂಲದ ಬೆಟಾವೊಲ್ಟ್ ಕಂಪನಿಯು, ಒಂದು ನ್ಯಾಣಕ್ಕಿಂತ ಚಿಕ್ಕದಾದ ಬ್ಯಾಟರಿಯನ್ನು ತಯಾರಿ ಸು ತ್ತಿದ್ದು, ಈ ಪರಮಾಣು ಬ್ಯಾಟರಿಯ ವಿಕಿರಣಗಳು ಮಾನವನ ದೇಹಕ್ಕೆ ಯಾವುದೇ ಹಾನಿ ಉಂಟು ಮಾಡುವುದಿಲ್ಲ ಹಾಗೂ ಪೇಸ್‌ಮೇಕರ್‌ಗಳಂತಹ ವೈದ್ಯಕೀಯ ಸಾಧನಗಳಲ್ಲಿ ಇದನ್ನು ಬಳಸಬಹುದು. ಪರಮಾಣು ಶಕ್ತಿಯ ಮಿನಿಯೇಟರೈಸೇಶನ್‌ ಬಳಸಿಕೊಂಡು ತಯಾರಿಸುತ್ತಿರುವ ವಿಶ್ವದ ಮೊದಲ ಬ್ಯಾಟರಿಯಾಗಿದೆ. ಮುಂದಿನ ಪೀಳಿಗೆ ಗಾಗಿ ಇದನ್ನು ಆವಿಷ್ಕರಿಸಲಾಗುತ್ತಿದೆ ಎಂದು ಕಂಪನಿ ತಿಳಿಸಿದೆ.

ನ್ಯೂಕ್ಲಿಯರ್‌ ಬ್ಯಾಟರಿಯು ಪ್ರಸ್ತುತ 3 ವೋಲ್ಟ್‌ಗಳಲ್ಲಿ 100 ಮೈಕ್ರೋವ್ಯಾಟ್‌ಶಕ್ತಿಯನ್ನು ಉತ್ಪಾದಿಸುತ್ತದೆ. 2025ರ ವೇಳೆಗೆ 1-ವ್ಯಾಟ್‌ ವಿದ್ಯುತ್‌ ಉತ್ಪಾದನೆ ಗುರಿ ಹೊಂದಲಾಗಿದೆ. ಬ್ಯಾಟರಿ 60 ಡಿ.ಸೆ. ನಿಂದ 120 ಡಿ.ಸೆ.ತಾಪ ಮಾನ ದಲ್ಲಿ ಕಾರ್ಯನಿರ್ವಹಿಸುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ತಿಳಿಸಿದೆ.