ಹಿಮಕುಸಿತಕ್ಕೆ ಸಿಲುಕಿದ ಎಲ್ಲ ಐವರು ಯೋಧರ ಪವಾಡಸದೃಶ ರಕ್ಷಣೆ

ಕಾಶ್ಮೀರ: ಶನಿವಾರವೂ ಕೂಡಾ ಜಮ್ಮು ಕಾಶ್ಮೀರದ ಕುಪ್ವಾರ ಜಿಲ್ಲೆಯ ಮಾಚಿಲ್ ಸೆಕ್ಟರ್ ನಲ್ಲಿನ ಸೇನಾ ಕ್ಯಾಂಪ್ ಮೇಲೆ ಹಿಮಕುಸಿತದಿಂದಾಗಿ ಐವರು ಯೋಧರು ಸಿಲುಕಿರುವ ಘಟನೆ ನಡೆದಿದ್ದು ಇವರನ್ನು ಪಾರು ಗೊಳಿಸುವ ಕಾರ್ಯಾಚರಣೆಯಲ್ಲಿ ಎಲ್ಲ ಐವರು ಯೋಧರನ್ನು ಯಶಸ್ವಿಯಾಗಿ ರಕ್ಷಿಸಲಾಗಿದೆ ಎಂದು ವರದಿಯಾಗಿದೆ.

ಮೊದಲ ಹಂತದ ಕಾರ್ಯಾಚರಣೆಯಲ್ಲಿ ಘಟನೆಯಲ್ಲಿ ಐದು ಮಂದಿ 56 ರಾಷ್ಟ್ರೀಯ ರೈಫಲ್ಸ್ ನ (ಆರ್ ಆರ್) ಯೋಧರಲ್ಲಿ ಮೂವರನ್ನು ರಕ್ಷಿಸಲಾಗಿತ್ತು. ಅನಂತರ ಉಳಿದಿಬ್ಬರ ರಕ್ಷಣೆಯೂ ಯಶಸ್ವಿಯಾಗಿ ನಡೆದಿದ್ದು ಇದರೊಂದಿಗೆ ಇದರೊಂದಿಗೆ ಹಿಮಕುಸಿತಕ್ಕೆ ಸಿಲುಕಿದ ಎಲ್ಲ ಐವರು ಯೋಧರ ಪವಾಡಸದೃಶ ರಕ್ಷಣೆ ಸಾಧ್ಯವಾಗಿದೆ. 

ಭಾರತ ಮತ್ತು ಪಾಕಿಸ್ತಾನದ ಗಡಿಭಾಗದಲ್ಲಿ ಕಳೆದ 2 ದಿನಗಳಲ್ಲಿ ನಡೆದ ಭೀಕರ ಹಿಮಕುಸಿತದಲ್ಲಿ 15 ಯೋಧರು ಹುತಾತ್ಮರಾದ ಬೆನ್ನಲ್ಲೇ ಈ ದುರ್ಘಟನೆ ನಡೆದಿದೆ.