ಪಿಎಚ್‌ಡಿ : ಕೇಂದ್ರ ನೌಕರರ ಪ್ರೋತ್ಸಾಹ ಧನ ಐದು ಪಟ್ಟು ಏರಿಕೆ

ಹೊಸದಿಲ್ಲಿ : ಸೇವೆಯಲ್ಲಿರುವ ವೇಳೆ ಉನ್ನತ ಪದವಿ ಪಡೆಯಲು ಮುಂದಾಗುವ ನೌಕರರಿಗೆ ನೀಡಲಾಗುವ ಒನ್‌ ಟೈಮ್‌ ಇನ್‌ಸೆಂಟೀವ್‌ ಮೊತ್ತವನ್ನು ಕೇಂದ್ರ ಸರಕಾರ ಐದು ಪಟ್ಟು ಏರಿಸಿದೆ. 

ಪಿಎಚ್‌ಡಿ ಯಂತಹ ಉನ್ನತ ಅರ್ಹತೆ ಪಡೆಯಲು ಮುಂದಾಗುವವರಿಗೆ ಈ ವರೆಗೆ ನೀಡಲಾಗುತ್ತಿದ್ದ ಕನಿಷ್ಠ 10,000 ರೂ.ಗಳ ಪ್ರೋತ್ಸಾಹ ಧನವನ್ನು ಗರಿಷ್ಠ 30,000 ರೂ.ಗೆ ಸರಕಾರ ಏರಿಸಿದೆ. 

ಈ ನಿಟ್ಟಿನಲ್ಲಿ  ಕೇಂದ್ರ ಸಿಬಂದಿ ಸಚಿವಾಲಯ 20 ವರ್ಷಗಳಷ್ಟು ಹಳೆಯ ನಿಯಮಕ್ಕೆ ತಿದ್ದುಪಡಿ ಮಾಡಿ ಪ್ರೋತ್ಸಾಹ ಧನವನ್ನು ಐದು ಪಟ್ಟು ಹೆಚ್ಚಿಸುವುದಕ್ಕೆ ಅನುಮೋದನೆ ನೀಡಿತು.