Canada based ಉಗ್ರ ಲಂಡಾನ 5 ಸಹಚರರ ಸೆರೆ

ಚಂಡೀಗಢ: ಕೆನಡಾ ಮೂಲದ ಉಗ್ರ ಲಖ್ಬೀರ್‌ ಸಿಂಗ್‌ ಅಲಿಯಾಸ್‌ ಲಂಡಾ ಎಂಬಾತನ ಐವರು ಸಹಚರರನ್ನು ಪಂಜಾಬ್‌ ಪೊಲೀಸರು ರವಿವಾರ‌ ಬಂಧಿಸಿದ್ದಾರೆ. ಈ ವೇಳೆ 3 ಪಿಸ್ತೂಲುಗಳನ್ನು ಅವರಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ಪಂಜಾಬ್‌ ಪೊಲೀಸ್‌ ಮುಖ್ಯಸ್ಥ ಗೌರವ್‌ ಯಾದವ್‌ ಹೇಳಿದ್ದಾರೆ. ಇವರ ಬಂಧನದ ಬಳಿಕ ಲಂಡಾನ 13 ಮಂದಿ ಸಹಚರರನ್ನು ಬಂಧಿಸಿದಂತಾಗಿದೆ. ಈ ಗ್ಯಾಂಗ್‌ ಹಲವು ರೀತಿಯ ಘೋರ ಅಪರಾಧಗಳನ್ನು ನಡೆಸುತ್ತಿದ್ದರು. ಕೊಲೆ, ದರೋಡೆ ಸೇರಿದಂತೆ ಹಲವು ಪ್ರಕರಣಗಳಲ್ಲಿ ಇವರು ಪೊಲೀಸರಿಗೆ ಬೇಕಾಗಿದ್ದರು ಎಂದಿದ್ದಾರೆ.