Scheduled Castes ರಾಷ್ಟ್ರೀಯ ಆಯೋಗಕ್ಕೆ 4 ವರ್ಷದಲ್ಲಿ 47,000 ದೂರು ಸಲ್ಲಿಕೆ!

ಹೊಸದಿಲ್ಲಿ: ಪರಿಶಿಷ್ಟ ಜಾತಿ ರಾಷ್ಟ್ರೀಯ ಆಯೋಗಕ್ಕೆ ಕಳೆದ 4 ವರ್ಷದಲ್ಲಿ 47,000ಕ್ಕೂ ಹೆಚ್ಚು ದೂರುಗಳು ದಾಖಲಾಗಿದ್ದು, ಅವುಗಳಲ್ಲಿ ದಲಿತ ದೌರ್ಜನ್ಯ, ಭೂ ವಿವಾದ ಮತ್ತು ಸರಕಾರಿ ನೌಕರಿಗೆ ಸಂಬಂಧಪಟ್ಟಿದ್ದಾ­ಗಿವೆ. ಸುದ್ದಿಸಂಸ್ಥೆ ಆರ್‌ಟಿಐ ಮೂಲಕ ಕೇಳಿದ ಮಾಹಿತಿಗೆ ಆಯೋಗ ನೀಡಿದ ಉತ್ತರದಲ್ಲಿ ಈ ವಿವರ ನೀಡಲಾಗಿದೆ. 2020-21ರಲ್ಲಿ 11,917, 2021-22 ರಲ್ಲಿ 13,864, 2022-23ರಲ್ಲಿ 12402 ಮತ್ತು ಪ್ರಸಕ್ತ ವರ್ಷದಲ್ಲಿ 9,950 ಪ್ರಕರಣಗಳ ಸಂಬಂಧ ದೂರುಗಳನ್ನು ಸ್ವೀಕರಿಸಲಾಗಿದೆ. ಆಯೋಗದ ಅಧ್ಯಕ್ಷ ಕಿಶೋರ್‌ ಮಕ್ವಾನ್‌ ಮಾತನಾಡಿ, ಮುಂದಿನ ತಿಂಗಳಿ­ನಿಂದ ಈ ದೂರುಗಳ ವಿಲೇವಾರಿ ಮಾಡಲಾಗುತ್ತದೆ. ನಾನು ಮತ್ತು ಆಯೋಗದ ಸದಸ್ಯರು ದೂರುದಾರರ ಸಮಸ್ಯೆಗಳ ಇತ್ಯರ್ಥಕ್ಕೆ ಶ್ರಮಿಸಲಿದ್ದೇವೆ ಎಂದಿದ್ದಾರೆ.