ಉ.ಪ್ರ : ಬಸ್ಸು ಮಗುಚಿ 43 ಮಂದಿಗೆ ಗಾಯ, 6 ಮಂದಿ ಗಂಭೀರ

ಬಲರಾಮಪುರ : ಉತ್ತರ ಪ್ರದೇಶದ ತುಲಸೀಪುರ – ಬದನೀ ರಸ್ತೆಯ ಪಕ್ಕದಲ್ಲಿನ ಆಳದ ಕಂದಕಕ್ಕೆ ಬಸ್ಸು ಮಗುಚಿ ಬಿದ್ದ ದುರಂತದಲ್ಲಿ 43 ಮಂದಿ ಗಾಯಗೊಂಡಿದ್ದಾರೆ; ಇವರ ಪೈಕಿ ಆರು ಮಂದಿಯ ಸ್ಥಿತಿ ಗಂಭೀರವಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಖಾಸಗಿ ಬಸ್ಸು ಬಲರಾಮಪುರದಿಂದ ಬದನಿಗೆ ಹೋಗುತ್ತಿತ್ತು; ಚೈಪುರ ಗ್ರಾಮಕ್ಕೆ ಸಮೀಪ ಅಡ್ಡ ಬಂದ ಮೋಟಾರ್‌ ಸೈಕಲ್‌ ಸವಾರನನ್ನು ತಪ್ಪಿಸುವ ಯತ್ನದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಬಸ್ಸು ರಸ್ತೆ ಬದಿಯ ಆಳದ ಕಮರಿಗೆ ಅಡಿ ಮೇಲಾಗಿ ಉರುಳಿ ಬಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.

ಗಾಯಾಳುಗಳನ್ನು ಸ್ಥಳೀಯ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಸೇರಿಸಲಾಗಿದೆ. ಗಂಭೀರವಾಗಿ ಗಾಯಗೊಂಡಿರುವ ಆರು ಮಂದಿಯನ್ನು ಜಿಲ್ಲಾ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.