ಬೆಳಗಾವಿ: ಆರ್ ಟಿಪಿಸಿಆರ್ ನೆಗೆಟಿವ್ ವರದಿ ಇಲ್ಲದ 41 ಬಸ್ ಪ್ರಯಾಣಿಕರು ವಾಪಸ್ ಮುಂಬೈಗೆ

ಬೆಳಗಾವಿ: ಮುಂಬೈನಿಂದ ಬೆಂಗಳೂರಿಗೆ ತೆರಳುತ್ತಿದ್ದ ಎರಡು ಬಸ್ ಗಳನ್ನು ಕೊಗನೊಳ್ಳಿ ಚೆಕ್‌ಪೋಸ್ಟ್ ಬಳಿ ಮಂಗಳವಾರ ತಡೆದು ತಪಾಸಣೆ ನಡೆಸಿದಾಗ 41 ಪ್ರಯಾಣಿಕರ ಕೋವಿಡ್ ಆರ್ ಟಿಪಿಸಿಆರ್ ನೆಗೆಟಿವ್ ವರದಿ ಇಲ್ಲದ್ದಕ್ಕೆ ಎರಡೂ ಬಸ್ ಗಳನ್ನು ವಾಪಸ್ ಕಳುಹಿಸಲಾಗಿದೆ.

ಮುಂಬೈನಿಂದ ಬೆಂಗಳೂರಿಗೆ ಬರುತ್ತಿದ್ದ ಶರ್ಮಾ ಟ್ರಾವೆಲ್ಸ್ ನಲ್ಲಿ ಒಟ್ಟು 28 ಪ್ರಯಾಣಿಕರ ಪೈಕಿ 24 ಜನರ ಬಳಿ ಆರ್ ಟಿಪಿಸಿಆರ್ ನೆಗೆಟಿವ್ ವರದಿ ಇರಲಿಲ್ಲ. ಜತೆಗೆ ನ್ಯಾಷನಲ್ ಟ್ರಾವೆಲ್ ಬಸ್ ನಲ್ಲಿ ಬೆಂಗಳೂರಿಗೆ ಬರುತ್ತಿದ್ದ 28 ಜನರ ಪೈಕಿ 17 ಪ್ರಯಾಣಿಕರ ನೆಗೆಟಿವ್ ವರದಿ ಇರಲಿಲ್ಲ. ಎರಡೂ ಬಸ್ ಗಳಲ್ಲಿ ಬರುತ್ತಿದ್ದ 41 ಪ್ರಯಾಣಿಕರನ್ನು ಪೊಲೀಸರು ಮುಂಬೈಗೆ ವಾಪಸ್ ಕಳುಹಿಸಿದ್ದಾರೆ.

ಇದನ್ನೂ ಓದಿ:ಯೂಟ್ಯೂಬ್‌ ವಿಡಿಯೋದಲ್ಲಿ ಬಂಟ್ವಾಳದ ಯುವತಿ ಫೋಟೋ ದುರ್ಬಳಕೆ: ಸಾಫ್ಟ್ವೇರ್‌ ದಂಪತಿ ಬಂಧನ

ಬಸ್ ಸಿಬ್ಬಂದಿಗಳಾದ ಅಸ್ಲಂ ಉಲ್ಲಾಖಾನ್, ನೇಮುಥುಲ್ಲಾ ಖಾನ್, ಟಿಪ್ಪು ಸುಲಾನ್ ಹಾಗೂ ಬಸ್ ಮ್ಯಾನೇಜರ್ ವಿರುದ್ಧ ಕರ್ನಾಟಕ ಸಾಂಕ್ರಮಿಕ ರೋಗಗಳ ನಿಯಂತ್ರಣ ಕಾಯ್ದೆಯಡಿ ನಿಪ್ಪಾಣಿ ಠಾಣೆಯಲ್ಲಿ ದೂರು ದಾಖಲಿಸಿಕೊಳ್ಳಲಾಗಿದೆ ಎಂದು ಸಿಪಿಐ ಸಂಗಮೇಶ ಶಿವಯೋಗಿ ತಿಳಿಸಿದ್ದಾರೆ.