ಯುಎಇ ಟ್ರಿಪ್‌ಗೆ 40 ಕೆಜಿ ಲಗೇಜ್‌ ಪರ್ಮಿಟ್‌

ದುಬಾೖ: ಏರ್‌ ಇಂಡಿಯಾ ಮೂಲಕ ಯುಎಇಗೆ ತೆರಳುವವರಿಗೆ 40 ಕೆಜಿ ಲಗೇಜ್‌ ಒಯ್ಯುವ ಅವಕಾಶ ನೀಡಲಾಗಿದೆ. ಅಂದರೆ ಹಾಲಿ ಇರುವ ಚೆಕ್‌-ಇನ್‌ ಲಗೇಜ್‌ ಮಿತಿಯನ್ನು 10 ಕೆ.ಜಿ. ಹೆಚ್ಚಳ ಮಾಡಲಾಗಿದ್ದು, ಪರಿಣಾಮ ಲಗೇಜು ಮಿತಿ 30 ಕೆಜಿಯಿಂದ 40 ಕೆ.ಜಿ.ಗೆ ಏರಿಕೆಯಾಗಿದೆ. ತತ್‌ಕ್ಷಣದಿಂದಲೇ ಈ ವ್ಯವಸ್ಥೆ ಜಾರಿಗೆ ಬಂದಿದೆ ಎಂದು ಏರ್‌ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಅಶ್ವನಿ ಲೊಹಾನಿ ಮಂಗಳವಾರ ತಿಳಿಸಿದ್ದಾರೆ. ಭಾರತೀಯ ಸಮುದಾಯದವರ ಬಹು ದಿನಗಳ ಬೇಡಿಕೆಯನ್ನು ಈ ಮೂಲಕ ಈಡೇರಿಸಲಾಗಿದೆ ಎಂದು ಹೇಳಿದ್ದಾರೆ.

ದುಬೈನಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಮಾತನಾಡುವ ವೇಳೆ ಅವರು ಈ ವಿಚಾರ ತಿಳಿಸಿದ್ದಾರೆ. ಹ್ಯಾಂಡ್‌ ಬ್ಯಾಗೇಜ್‌ (ಕೈ ಚೀಲ) ಮಿತಿ ಈಗಿರುವಷ್ಟೇ ಅಂದರೆ 7 ಕೆ.ಜಿ. ಇರಲಿದೆ ಎಂದಿದ್ದಾರೆ.