ಪುಣೆ:ಭೀಕರ ಅಪಘಾತದಲ್ಲಿ ನಾಲ್ವರು ಬಲಿ,ಐವರು ಗಂಭೀರ 

ಪುಣೆ: ಮುಂಬಯಿ -ಪುಣೆ ಎಕ್ಸ್‌ಪ್ರೆಸ್‌ ವೇಯಲ್ಲಿ ಶುಕ್ರವಾರ ಬೃಹತ್‌ ಟ್ರಕ್ಕೊಂದು ಕಾರುಗಳೆರಡಕ್ಕೆ ಢಿಕ್ಕಿಯಾಗಿ ಸಂಭವಿಸಿದ ಭೀಕರ ಅವಘಾತದಲ್ಲಿ ನಾಲ್ವರು ದಾರುಣವಾಗಿ ಸಾವನ್ನಪ್ಪಿದ್ದು, ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಮುಂಬಯಿಯಿಂದ ಪುಣೆಗೆ ತೆರಳುತ್ತಿದ್ದ  ಟ್ರಕ್‌ ಖೊಪೊಲಿ ಎಂಬಲ್ಲಿ ನಿಯಂತ್ರಣ ಕಳೆದುಕೊಂಡು ಡಿವೈಡರ್‌ಗೆ ಗುದ್ದಿ  ಇನ್ನೊಂದು ಬದಿಗೆ ಹಾರಿ ಕಾರುಗಳಿಗೆ ಢಿಕ್ಕಿಯಾಗಿದೆ. ಅಪಘಾತದ ತೀವ್ರತೆಗೆ ಕಾರೊಂದು ಹಾರಿ ಹೋಗಿ ಹೊಂಡಕ್ಕೆ ಬಿದ್ದಿತ್ತು.

ಅಪಘಾತದ ಬಳಿಕ ಗಂಟೆಯ ಕಾಲ ಹೆದ್ದಾರಿಯಲ್ಲಿ ಟ್ರಾಫಿಕ್‌ ಜಾಮ್‌ ಉಂಟಾಗಿ ಸಾವಿರಾರು ಮಂದಿ ಪರದಾಡಬೇಕಾಯಿತು.