ಲೂಧಿಯಾನ: ಕಾರು ಕಾಲುವೆಗೆ ಬಿದ್ದು ನಾಲ್ವರ ದಾರುಣ ಸಾವು

ಲೂಧಿಯಾನ, ಪಂಜಾಬ್‌  : ಇಲ್ಲಿನ ಶಬರ ನಗರದ ಸಿಧ್‌ವಾನ್‌ ಕಾಲುವೆಗೆ ಕಾರೊಂದು ಉರುಳಿ ಬಿದ್ದ ಭೀಕರ ಅವಘಡದಲ್ಲಿ ನಾಲ್ವರು ಮೃತಪಟ್ಟಿರುವುದು ವರದಿಯಾಗಿದೆ.

ಕಾರು ಕಾಲುವೆಗೆ ಧುಮುಕಿದಾಗ ಅದರೊಳಗಿದ್ದ ಎಲ್ಲ ನಾಲ್ವರು ಮುಳುಗಿ ಮೃಪಟ್ಟರು. ಮೃತರ ಶವಗಳನ್ನು ಮೇಲೆತ್ತಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮೃತರನ್ನು ಕಶೀಶ್‌ ಅರೋರಾ (21), ಆತನ ಸಹೋದರ  ಭವನೀತ್‌ ಸಿಂಗ್‌ ಜುನೇಜ (27) ಮತ್ತು ಸಹೋದರಿ ಸಾನ್ಯಾ ಜುನೇಜ (24) ಹಾಗೂ ದಿನೇಶ್‌ ಚಂದರ್‌ (27) ಎಂದು ಗುರುತಿಸಲಾಗಿದೆ.