Advertisement
ಘಟಿಕೋತ್ಸವದಲ್ಲಿ ಪದವಿ ಪಡೆಯಲಿರುವ ಕೆಲ ವಿದ್ಯಾರ್ಥಿಗಳು, ವಿವಿ ಅಧಿ ಕಾರಿಗಳು, ವಿವಿಧ ನಿಕಾಯದ ಡೀನ್‌ಗಳು, ಮುಖ್ಯಸ್ಥರು ಸಿಂಡಿಕೇಟ್‌ ಸದಸ್ಯರು, ಪ್ರಾಧ್ಯಾಪಕರು ಸೇರಿ 250 ಜನರು ಪಾಲ್ಗೊಳ್ಳಲು ಅವಕಾಶವಿದೆ. ಕೋವಿಡ್-19 ಸುರಕ್ಷತಾ ಕ್ರಮಗಳೊಂದಿಗೆ ಸಮಾರಂಭ ನೆರವೇರಿಸಲಾಗುತ್ತಿದೆ ಎಂದು ವಿವಿ ಪ್ರಭಾರಿ ಕುಲಪತಿ ಪ್ರೊ| ಚಂದ್ರಕಾಂತ ಯಾತನೂರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
Related Articles
Advertisement
ವಿವಿಗಳಿಗೆ ಪತ್ರ: ಬಿಎ, ಬಿಎಸ್ಸಿ ಸೇರಿ ಇತರ ಪದವಿಗಳ ಅಂತಿಮ ವರ್ಷದ ಫಲಿತಾಂಶ ಪ್ರಕಟಿಸದ ಕಾರಣ ಗುಲ್ಬರ್ಗ ವಿವಿ ವಿದ್ಯಾರ್ಥಿಗಳು ರಾಜ್ಯದ ಇತರ ವಿವಿಗಳಲ್ಲಿ ಪ್ರವೇಶಾತಿ ಪಡೆಯದಂತಾಗಿದೆ. ಬೇರೆ ವಿವಿಗಳ ಪ್ರವೇಶಾತಿ ಮುಕ್ತಾಯಕ್ಕೆ ಬಂದಿದ್ದರಿಂದ ಮುಂದಿನ ದಿನಗಳಲ್ಲಿ ತಮ್ಮ ವಿವಿಗಳಲ್ಲಿ ಗುಲ್ಬರ್ಗ ವಿದ್ಯಾರ್ಥಿಗಳಿಗೆ ಪ್ರವೇಶಾತಿಗೆ ಅವಕಾಶ ಮಾಡಿ ಕೊಡುವಂತೆ ಪತ್ರ ಬರೆಯಲಾಗುವುದು ಎಂದು ಕುಲಪತಿ ಪ್ರೊ| ಯಾತನೂರ ತಿಳಿಸಿದರು.
ಕೊವಿಡ್‌-19 ಹಿನ್ನೆಲೆಯಲ್ಲಿ ಉಪನ್ಯಾಕರು ಮೌಲ್ಯಮಾಪನಕ್ಕೆ ಬಾರದ ಹಿನ್ನೆಲೆಯಲ್ಲಿ ಫಲಿತಾಂಶ ಪ್ರಕಟಿಸಲು ಸಾಕಷ್ಟು ವಿಳಂಬವಾಗಿದೆ. ಮುಂದಿನ ದಿನಗಳಲ್ಲಿ ಹೀಗಾಗದಂತೆ ನೋಡಿಕೊಳ್ಳಲಾಗುವುದು ಎಂದರು.
ಕುಲಸಚಿವರಾದ ಪ್ರೊ| ಸಿ. ಸೋಮಶೇಖರ, ಪ್ರೊ| ಸಂಜೀವಕುಮಾರ (ಮೌಲ್ಯಮಾಪನ) ಇದ್ದರು.
ಗೌರವ ಡಾಕ್ಟರೇಟ್‌ಗೆ 20 ಅರ್ಜಿ : ಈ ಸಲ ಗೌರವ ಡಾಕ್ಟರೇಟ್‌ಗೆ 20 ಅರ್ಜಿ ಸಲ್ಲಿಕೆಯಾಗಿದ್ದವು. ಅವುಗಳನ್ನು ವಿದ್ಯಾ ವಿಷಯಕ್‌ ಪರಿಷತ್‌ದಲ್ಲಿ ಚರ್ಚಿಸಿ ಸಿಂಡಿಕೇಟ್‌ ಗೆ ಕಳುಹಿಸಲಾಯಿತು. ಅವುಗಳನ್ನೆಲ್ಲ ಪರಿಶೀಲಿಸಿ ಸತ್ಯಶೋಧನಾ ಸಮಿತಿಗೆ ವಹಿಸಲಾಗಿ, ಮೂವರು ಕುಲಪತಿಗಳ ನೇತೃತ್ವದಲ್ಲಿ ಮೂವರ ಹೆಸರನ್ನು ಅಂತಿಮಗೊಳಿಸಿ ರಾಜ್ಯಪಾಲರಿಗೆ ಕಳುಹಿಸಿಕೊಡಲಾಗಿತ್ತು. ಅದರಲ್ಲಿ ಮಂತ್ರಾಲಯ ಶ್ರೀಗಳ ಒಬ್ಬರನ್ನು ಅಂತಿಮಗೊಳಿಸಲಾಗಿದೆ ಎಂದು ಕುಲಪತಿಗಳು ವಿವರಣೆ ನೀಡಿದರು.
ಪದವಿ ಅಂತಿಮ ವರ್ಷದ ಫಲಿತಾಂಶ ನೀಡುವಲ್ಲಿ ವಿಳಂಬವಾಗಿದೆ. ಉಪನ್ಯಾಸಕರಿಗೆ ಮನವಿ ಮಾಡಿಕೊಂಡು ಮೌಲ್ಯಮಾಪನ ನಡೆಸಲಾಗುತ್ತಿದೆ. ಕೋವಿಡ್ ಹಿನ್ನೆಲೆ ಹಾಗೂ ಅತಿ ಹೆಚ್ಚಿನ ವಿದ್ಯಾರ್ಥಿಗಳಿರುವುದರಿಂದ ಫಲಿತಾಂಶ ನೀಡಲು ತೊಂದರೆಯಾಗಿದೆ. ವಾರದೊಳಗೆ ಫಲಿತಾಂಶ ಪ್ರಕಟಕ್ಕೆ ಕ್ರಮ ಕೈಗೊಳ್ಳಲಾಗುವುದು.-ಪ್ರೊ. ಚಂದ್ರಕಾಂತ ಯಾತನೂರ, ಕುಲಪತಿ