1.09 ಕೋಟಿ ರೂ. ಮೌಲ್ಯದ ಮಾದಕ ದ್ರವ್ಯ ವಶ; ಮೂವರ ಬಂಧನ

ಬಹರೇಚ್‌, ಉತ್ತರ ಪ್ರದೇಶ : ಭಾರತ – ನೇಪಾಲ ಗಡಿಯಲ್ಲಿ ಸಹಸ್ರ ಸೀಮಾಬಲ (ಎಸ್‌ಎಸ್‌ಬಿ) ಮತ್ತು ಉತ್ತರ ಪ್ರದೇಶ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ ಮೂವರನ್ನು ಬಂಧಿಸಿ ಅವರ ಬಳಿ ಇದ್ದ 1.90 ಕೋಟಿ ರೂ. ಮೌಲ್ಯದ ಮಾದಕ ದ್ರವ್ಯಗಳನ್ನು ವಶಪಡಿಸಿಕೊಂಡಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ. 

ಮಾದಕ ದ್ರವ್ಯ ಕಳ್ಳಸಾಗಣೆದಾರರನ್ನು ಭಾರತ – ನೇಪಾಲ ಗಡಿಯಲ್ಲಿನ ರುಪೈದೀಹ ಎಂಬಲ್ಲಿ ಬಂಧಿಸಲಾಯಿತು. ಅವರನ್ನು ಅನಿಲ್‌ ಕುಮಾರ್‌, ಸಾಗರ್‌ ಮತ್ತು ಕೇಶರೇ ಎಂದು ಗುರುತಿಸಲಾಗಿದೆ ಎಂದು ಪೊಲೀಸ್‌ ಸುಪರಿಂಟೆಂಡೆಂಟ್‌ ಸಭಾರಾಜ್‌ ತಿಳಿಸಿದ್ದಾರೆ.