ಪಣಂಬೂರಿಗೆ ಸವೆನ್‌ ಸೀಸ್‌ ಐಷಾರಾಮಿ ಬೃಹತ್‌ 2ನೇ ಪ್ರವಾಸಿ ಹಡಗು ಆಗಮನ

ಪಣಂಬೂರು: ಸವೆನ್‌ ಸೀಸ್‌ ಐಷಾರಾಮಿ ಬೃಹತ್‌ 2ನೇ ಪ್ರವಾಸಿ ಹಡಗು ಕತಾರ್‌ನಿಂದ ನವಮಂಗಳೂರು ಬಂದರಿಗೆ ಶುಕ್ರವಾರ ಆಗಮಿಸಿತು.

686 ಪ್ರವಾಸಿಗರು, 552 ಸಿಬಂದಿ ಹೊಂದಿರುವ ಈ ಹಡಗು 223.74 ಮೀ. ಉದ್ದ, 55,254 ಟನ್‌ ಭಾರವಿದೆ. ಯಕ್ಷಗಾನ, ಚೆಂಡೆ ವಾದನಗಳೊಂದಿಗೆ ಪ್ರವಾಸಿಗರನ್ನು ಸಾಂಪ್ರದಾಯಿಕವಾಗಿ ಸ್ವಾಗತಿಸಲಾಯಿತು.

ಬಸ್‌ ಹಾಗೂ ಖಾಸಗೀ ಪ್ರವಾಸಿ ಕಾರುಗಳಲ್ಲಿ ಪ್ರವಾಸಿಗರನ್ನು ಮೂಡುಬಿದಿರೆಯ ಸಾವಿರ ಕಂಬ ಬಸದಿ, ಸೈಂಟ್‌ ಅಲೋಶಿಯಸ್‌ ಚಾಪೆಲ್‌, ಕದ್ರಿ ದೇವಸ್ಥಾನ, ಮಾರ್ಕೆಟ್‌, ಕುದ್ರೋಳಿ ದೇವಸ್ಥಾನ ಸಹಿತ ಆಕರ್ಷಕ ಪ್ರವಾಸಿ ಸ್ಥಳಗಳನ್ನು ವೀಕ್ಷಣೆಗೆ ಕರೆದೊಯ್ಯಲಾಯಿತು.