ಥಾಣೆಯಲ್ಲಿ 292 ಕಚ್ಚಾ ಬಾಂಬ್‌ ವಶ; ಓರ್ವನ ಬಂಧನ

ಥಾಣೆ : ನಗರದ ಪೊಲೀಸರು ಲಘು ತೀವ್ರತೆಯ ಸುಮಾರು 292 ಕಚ್ಚಾ ಬಾಂಬ್‌ಗಳನ್ನು ವಶಪಡಿಸಿಕೊಂಡು ಅವುಗಳನ್ನು ಕಾನೂನು ಬಾಹಿರವಾಗಿ ಹೊಂದಿದ್ದ ವ್ಯಕ್ತಿಯೋರ್ವನನ್ನು ಬಂಧಿಸಿದ್ದಾರೆ.

ವನ್ಯ ಪ್ರಾಣಿಗಳನ್ನು ಕೊಲ್ಲಲು ಬಳಸಲಾಗುವ ಈ ಡುಕ್ಕರ್‌ (ಹಂದಿ) ಬಾಂಬ್‌ಗಳು ಕಚ್ಚಾ ಬಾಂಬ್‌ಗಳಾಗಿದ್ದು ಇವುಗಳನ್ನು ಸ್ಥಳೀಯವಾಗಿ ತಯಾರಿಸಲಾಗಿದೆ ಎಂದು ಬಂಧಿತ ವ್ಯಕ್ತಿಯು ಪೊಲೀಸರಲ್ಲಿ ಹೇಳಿದ್ದಾನೆ. 

ಆರೋಪಿ ಪ್ರವೀಣ್‌ ಪಾಟೀಲ್‌ (34) ನನ್ನು ಪೊಲೀಸರು ಖಚಿತ ಮಾಹಿತಿ ಮೇರೆಗೆ ದೈಘರ್‌ ಪ್ರದೇಶದಲ್ಲಿ ಬಂಧಿಸಿದ್ದರು. ಆತನ ಬಳಿ ಇದ್ದ ಚೀಲದಲ್ಲಿ ಸುಮಾರು 2 ಲಕ್ಷ ರೂ. ಮೌ
ಲ್ಯದ 292 ಕಚ್ಚಾ ಬಾಂಬ್‌ಗಳು ಪತ್ತೆಯಾಗಿ ಅವುಗಳನ್ನು ಪೊಲೀಸರು ವಶಪಡಿಸಿಕೊಂಡರು ಎಂದು ಹಿರಿಯ ಪೊಲೀಸ್‌ ಅಧಿಕಾರಿ ನಿತಿನ್‌ ಠಾಕರೆ ಹೇಳಿದರು.