ಚಳಿಗಾಲದ ಒಲಿಂಪಿಕ್ಸ್‌ : 16 ಮಂದಿಗೆ ಗಾಯ

ಪಿಯಾಂಗ್‌ಚಾಂಗ್‌ (ದ.ಕೊರಿಯಾ): ಇಲ್ಲಿ ನಡೆಯುತ್ತಿರುವ ಈ ಬಾರಿಯ ಚಳಿಗಾಲದ ಒಲಿಂಪಿಕ್ಸ್‌ನಲ್ಲಿ ಮತ್ತೂಂದು ಅವಘಡ ಸಂಭವಿಸಿದೆ. ಅದೃಷ್ಟವಶಾತ್‌ ಹೇಳಿಕೊಳ್ಳುವಂತಹ ಸಮಸ್ಯೆಗಳಾಗಿಲ್ಲ.

ಭಾರೀ ಬಿರುಗಾಳಿಯ ಕಾರಣ 16 ಮಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಗಾಯಗೊಂಡವರಲ್ಲಿ 13 ಸಹಾಯಕ ಸಿಬ್ಬಂದಿ, 3 ವೀಕ್ಷಕರು ಸೇರಿದ್ದಾರೆ. ತರಚಿದ ಗಾಯಗಳಾಗಿರುವ ಸಿಬ್ಬಂದಿಯನ್ನು ಮನೆಗೆ ಕಳುಹಿಸಲಾಗಿದೆ. ಕ್ರೀಡಾಗ್ರಾಮದ 60 ಟೆಂಟ್‌ಗಳು ಹಾಳಾಗಿದ್ದರೆ, 120 ಬೇಲಿಗಳು ಉದುರಿಬಿದ್ದಿವೆ. ಈ ಬಾರಿಯ ಚಳಿಗಾಲದ ಒಲಿಂಪಿಕ್ಸ್‌ ಹಲವು ಅಪಾಯಗಳಿಗೆ ತುತ್ತಾಗಿದೆ. ಕೆಲ ದಿನಗಳ ಮುಂಚೆ ಲಘು ಭೂಕಂಪ ಸಂಭವಿಸಿ ಕೆಲ ಸ್ಪರ್ಧೆಗಳನ್ನು ಕೆಲ ದಿನಗಳ ಮಟ್ಟಿಗೆ ಮುಂದೂಡಲಾಗಿತ್ತು.