ಆಸೀಸ್‌ ವಿರುದ್ಧ 2 ಸಾವಿರ ರನ್‌; ದಾಖಲೆಯತ್ತ ರೋಹಿತ್‌

ಲಂಡನ್‌: ವಿಶ್ವಕಪ್‌ ಆರಂಭಿಕ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಶತಕ ಬಾರಿಸಿ ಮೆರೆದ ಭಾರತದ ಆರಂಭಕಾರ ರೋಹಿತ್‌ ಶರ್ಮ ರವಿವಾರ ಆಸ್ಟ್ರೇಲಿಯ ವಿರುದ್ಧ ಹೊಸತೊಂದು ದಾಖಲೆ ನಿರ್ಮಿಸುವ ಹಾದಿಯಲ್ಲಿದ್ದಾರೆ.ಇನ್ನು ಕೇವಲ 20ರನ್‌ ಮಾಡಿದರೆ ಆಸ್ಟ್ರೇಲಿಯ ವಿರುದ್ಧ ಏಕದಿನದಲ್ಲಿ 2 ಸಾವಿರ ರನ್‌ ಪೂರ್ತಿಗೊಳಿಸಿದ ಸಾಧನೆ ರೋಹಿತ್‌ ಶರ್ಮ ಅವರಾದಗಲಿದೆ. ಆಗ ಅವರು ಸಚಿನ್‌ ತೆಂಡುಲ್ಕರ್‌, ವಿವಿಯನ್‌ ರಿಚರ್ಡ್ಸ್‌, ಡೆಸ್ಮಂಡ್‌ ಹೇನ್ಸ್‌ ಸಾಲಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ರವಿವಾರವೇ ಇದನ್ನು ಪೂರೈಸಿದರೆ ರೋಹಿತ್‌ ಶರ್ಮ ಅತೀ ಕಡಿಮೆ 37 ಇನ್ನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದಂತಾಗುತ್ತದೆ. ಇದಕ್ಕಾಗಿ ತೆಂಡುಲ್ಕರ್‌ 51, ಹೇನ್ಸ್‌ 59, ರಿಚರ್ಡ್ಸ್‌ 45 ಇನ್ನಿಂಗ್ಸ್‌ ತೆಗೆದುಕೊಂಡಿದ್ದರು.