ಐವತ್ತರ ಸಂಭ್ರಮದಲ್ಲಿ 2 ಚಿತ್ರಗಳು

ಕನ್ನಡ ಚಿತ್ರರಂಗದಲ್ಲಿ ಈಗ ಸಂಭ್ರಮ ಮನೆ ಮಾಡಿದೆ. ಹೌದು, ಕಳೆದ ವರ್ಷ ಬಿಡುಗಡೆಯಾದ ಕೆಲ ಚಿತ್ರಗಳು ಯಶಸ್ಸು ಪಡೆದಿವೆ. ಅಷ್ಟೇ ಅಲ್ಲ, 50 ರ ಸಂಭ್ರಮವನ್ನೂ ಆಚರಿಸಿದ್ದು, ಆ ಸಾಲಿಗೆ ಈಗ “ಮನೆ ಮಾರಾಟಕ್ಕಿದೆ’ ಮತ್ತು “ಕಾಳಿದಾಸ ಕನ್ನಡ ಮೇಷ್ಟ್ರು’ ಚಿತ್ರಗಳು ಸೇರಿವೆ.

ಮಂಜು ಸ್ವರಾಜ್‌ ನಿರ್ದೇಶನದ “ಮನೆ ಮಾರಾಟಕ್ಕಿದೆ’ ಚಿತ್ರ ಯಶಸ್ವಿ 50 ದಿನ ಪೂರೈಸಿದ್ದು, ಜ.11 ಇಂದು ಸಂಜೆ 50 ನೇ ದಿನದ ಸಂಭ್ರಮ ಆಚರಿಸಿಕೊಳ್ಳುತ್ತಿದೆ. ಈ ಚಿತ್ರವನ್ನು ಎಸ್‌.ವಿ.ಬಾಬು ನಿರ್ಮಿಸಿದ್ದು, ಸಾಧುಕೋಕಿಲ, ರವಿಶಂಕರ್‌ಗೌಡ, ಚಿಕ್ಕಣ್ಣ, ಹಾಗು “ಕುರಿ’ ಪ್ರತಾಪ್‌ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಚಿತ್ರಕ್ಕೆ ಅಭಿಮನ್‌ ರಾಯ್‌ ಸಂಗೀತವಿದೆ. ಸುರೇಶ್‌ ಬಾಬು ಛಾಯಾಗ್ರಹಣವಿದೆ. ಇನ್ನು, ಕವಿರಾಜ್‌ ನಿರ್ದೇಶನದ ಜಗ್ಗೇಶ್‌ ಅಭಿನಯದ “ಕಾಳಿದಾಸ ಕನ್ನಡ ಮೇಷ್ಟ್ರು’ ಚಿತ್ರ ಕೂಡ 50 ದಿನಗಳನ್ನು ಪೂರೈಸಿದೆ. ಈ ಚಿತ್ರದಲ್ಲಿ ಮೇಘನಾಗಾಂವ್ಕರ್‌ ನಟಿಸಿದ್ದಾರೆ. ಗುರುಕಿರಣ್‌ ಸಂಗೀತವಿದೆ.