ಕಾಶ್ಮೀರ:ಉಗ್ರರಿಗೆ ಶಸ್ತ್ರಾಸ್ತ ನೀಡಿದ ಇಬ್ಬರು ಪೊಲೀಸರ ಬಂಧನ !

 ಶ್ರೀನಗರ: ಹಿಜ್‌ಬುಲ್‌ ಮುಜಾಯಿದ್ದೀನ್‌ ಉಗ್ರರಿಗೆ ಶಸ್ತ್ರಾಸ್ತ್ರ ಮತ್ತು ನೆರವು ನೀಡಿದ ಆರೋಪದಲ್ಲಿ ಇಬ್ಬರು ಪೊಲೀಸರು ಸಹಿತ ಮೂವರನ್ನು ಬುಧವಾರ ಶೋಪಿಯಾನ್‌ನನಲ್ಲಿ ವಶಕ್ಕೆ ಪಡೆಯಲಾಗಿದೆ. 

ಬಂಧಿತರ ಪೈಕಿ ಮೂರನೇ ವ್ಯಕ್ತಿ ಉಗ್ರ ಚಟುವಟಿಕೆಯ ತಳ ಮಟ್ಟದ ಕಾರ್ಯಕರ್ತನಾಗಿ ಕೆಲಸ ಮಾಡುತ್ತಿದ್ದವನಾಗಿದ್ದು,ಅದೀಲ್‌ ಅಹಮದ್‌ ನಿಗ್ರೂ ಎಂದು ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ. 

ಬಂಧಿತ ನಿಗ್ರೂನನ್ನು ತೀವ್ರ ವಿಚಾರಣೆ ನಡೆಸಿದ ವೇಳೆ ಆಂಶಿಪೋರಾದ ಕಾನ್ಸ್‌ಟೇಬಲ್‌ ಶಬೀರ್‌ ಅಹಮದ್‌ ಮಲೀಕ್‌ನಿಂದ ಎಕೆ 47 ಪಡೆದಿರುವುದಾಗಿ, ಇನ್ನೊಂದನ್ನು ಕಾನ್ಸ್‌ಟೇಬಲ್‌ ನಾಜೀರ್‌ ಅಹಮದ್‌ ನಾಜರ್‌ನಿಂದ ಪಡೆದಿರುವುದಾಗಿ ಬಾಯ್ಬಿಟ್ಟಿದ್ದಾನೆ. 

ತಕ್ಷಣ ಇಬ್ಬರನ್ನು ವಶಕ್ಕೆ ಪಡೆದು ಎಫ್ಐಆರ್‌ ದಾಖಲಿಸಿರುವುದಾಗಿ ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.