ರೋಣ: ಮಲಗಿದ್ದವರ ಮೇಲೆ ತೋಳಗಳ ದಾಳಿ;18 ಮಂದಿಗೆ ಗಂಭೀರ ಗಾಯ

 ರೋಣ: ಇಲ್ಲಿನ ಮೂರು ಗ್ರಾಮಗಳಲ್ಲಿ ಶನಿವಾರ ರಾತ್ರಿ ತೋಳಗಳು ಅಟ್ಟಹಾಸ ಮೆರೆದಿದ್ದು, ಸೆಕೆ ಎಂದು ಮನೆಯ ಹೊರಗೆ ಮಲಗಿದ್ದ 18ಕ್ಕೂ ಹೆಚ್ಚು ಜನರ ಮೇಲೆ ದಾಳಿ ಮಾಡಿದ ಘಟನೆ ನಡೆದಿದೆ.

ಗುಜಮಾಗಡಿ ಗ್ರಾಮದಲ್ಲಿ 9 ಮಂದಿ,ಯರೆಬೇಲೇರಿ ಯಲ್ಲಿ 8 ಮಂದಿ ಮತ್ತು ನಾಗರಾಳದಲ್ಲಿ ಓರ್ವ ತೋಳಗಳ ದಾಳಿಯಿಂದ ಗಾಯಗೊಂಡಿದ್ದು ಅವರನ್ನು ಗದಗ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಗಾಯಾಳುಗಳಲ್ಲಿ ವೃದ್ಧೆ , ಯುವಕರು ಮತ್ತು ಮಕ್ಕಳು ಸೇರಿದ್ದಾರೆ. ತೋಳಗಳು ದಾಳಿ ನಡೆಸುತ್ತಿದ್ದಂತೆ ಬೆದರಿದ ಜನರು ಬೊಬ್ಬಿಟ್ಟು ದಿಕ್ಕಾಪಾಲಾಗಿ ಓಡಿದ್ದಾರೆ.

ರೋಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.