ರಾಜಸ್ಥಾನ: ಟ್ರಕ್‌ –ಜೀಪ್‌ ಢಿಕ್ಕಿಯಲ್ಲಿ 17 ಮಂದಿಯ ದಾರುಣ ಸಾವು

ಜೈಪುರ : ರಾಜಸ್ಥಾನದ ಹನುಮಾನ್‌ಗಢ ಜಿಲ್ಲೆಯಲ್ಲಿ  ಟ್ರಕ್ಕಿಗೆ ಜೀಪ್‌ ಢಿಕ್ಕಿಯಾಗಿ ಸಂಭವಿಸಿದ ಭೀಕರ ಅಪಘಾತದಲ್ಲಿ 17 ಮಂದಿ ಮೃತಪಟ್ಟ ಘಟನೆ ವರದಿಯಾಗಿದೆ.

ಹನುಮಾನ್‌ಗಢ ಟೌನ್‌ ಪೊಲೀಸ್‌ ಸ್ಟೇಶನ್‌ ವ್ಯಾಪ್ತಿಗೆ ಒಳಪಡುವ ರವಾಸ್ತಾರ್‌ – ಹನುಮಾನ್‌ಗಢ ಮೆಗಾ ಹೈವೇ ಯಲ್ಲಿ ಈ ದುರ್ಘ‌ಟನೆ ಸಂಭವಿಸಿದೆ. ಪ್ರಯಾಣಿಕರಿಂದ ತುಂಬಿದ್ದ ಜೀಪ್‌ ಸಮೀಪದ ಪಟ್ಟಣಕ್ಕೆ ಹೋಗುತ್ತಿದ್ದಾಗ ಈ ದಾರುಣ ಅವಘಡ ಸಂಭವಿಸಿತು.

ಮೃತರ ಶವಗಳನ್ನು ಸಮೀಪದ ಸ್ಥಳೀಯ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದ್ದು ಅವುಗಳ ಅಟಾಪ್ಸಿ ನಡೆಯುತ್ತಿರುವುದಾಗಿ ತಿಳಿದು ಬಂದಿದೆ ಎಂದು ಎಸ್‌ಎಚ್‌ಓ ಅನ್ವರ್‌ ಖಾನ್‌ ತಿಳಿಸಿದ್ದಾರೆ.