ತ.ನಾ.ಕರಾವಳಿಯಲ್ಲಿ 150 ಕೆಜಿ ಗಾಂಜಾ ವಶ; ಓರ್ವ ಅರೆಸ್ಟ್‌

ರಾಮೇಶ್ವರಂ, ತಮಿಳು ನಾಡು : ರಾಮನಾಥಪುರಂ ಗೆ ಸಮೀಪದ ನೋಚಿ ಊರಾನಿ ಕರಾವಳಿ ಪ್ರದೇಶದಲ್ಲಿ ಲಂಕೆಗೆ ಕಳ್ಳಸಾಗಣೆಯಾಗಲಿದ್ದ ಸುಮಾರು 150 ಕೆಜಿ ಗಾಂಜಾವನ್ನು ಕಸ್ಟಮ್ಸ್‌ ಅಧಿಕಾರಿಗಳು ವಶಪಡಿಸಿಕೊಂಡು ಒಬ್ಬ ವ್ಯಕ್ತಿಯನ್ನು ಬಂಧಿಸಿದರು.

ಖಚಿತ ಸುಳಿವು ಪಡೆದ ಕಸ್ಟಮ್ಸ್‌ ಅಧಿಕಾರಿಗಳು ಒಡನೆಯೇ ಕಾರ್ಯಾಚರಿಸಿ ಮಾರುಕಟ್ಟೆಯಲ್ಲಿ ಸುಮಾರು 10 ಲಕ್ಷ ರೂ. ಬೆಲೆ ಬಾಳುವ 150 ಕೆಜಿ ಗಾಂಜಾವನ್ನು ವಶಪಡಿಸಿಕೊಂಡರು. 

ಗಾಂಜಾ ಕಳ್ಳಸಾಗಣೆಯಲ್ಲಿ ಶಾಮೀಲಾಗಿರುವ ಇತರ ಮೂವರು ಶಂಕಿತರು ತಲೆ ಮರೆಸಿಕೊಂಡಿದ್ದು ಅವರಿಗಾಗಿ ಶೋಧ ಕಾರ್ಯ ನಡೆಯುತ್ತಿದೆ.