14 ಪ್ರಯಾಣಿಕರ ಗುಂಡಿಕ್ಕಿ ಕೊಂದ ಉಗ್ರರು

ಕರಾಚಿ: ಪಾಕಿಸ್ಥಾನದ ಬಲೂಚಿಸ್ತಾನ ಪ್ರಾಂತ್ಯದಲ್ಲಿ ಬಸ್ಸುಗಳ ಮೇಲೆ ದಾಳಿ ನಡೆಸಿದ ಭಯೋತ್ಪಾದಕರು, ನೌಕಾ ಪಡೆಯ ಸಿಬಂದಿ ಸೇರಿ 14 ಪ್ರಯಾಣಿಕರನ್ನು ಹತ್ಯೆಗೈದಿದ್ದಾರೆ. ಗುರುವಾರ ಬೆಳಗ್ಗೆ ಕರಾಚಿಯಿಂದ ಗ್ವಾದಾರ್‌ಗೆ ತೆರಳುತ್ತಿದ್ದ 6 ಬಸ್ಸುಗಳನ್ನು ಹೆದ್ದಾರಿ ಮಧ್ಯೆ ತಡೆದ 15ರಿಂದ 20 ಉಗ್ರರ ತಂಡ, ಬಸ್ಸಲ್ಲಿದ್ದವರನ್ನು ಕೆಳಕ್ಕಿಳಿಸಿ ಗುಂಡಿನ ಮಳೆಗೆರೆದಿದೆ. ಪರಿಣಾಮ, 14 ಪ್ರಯಾಣಿಕರು ಸಾವಿಗೀ ಡಾಗಿದ್ದಾರೆ. ಇಬ್ಬರು ಪಾರಾಗಿದ್ದಾರೆ.

ಉಗ್ರರು ಅರೆಸೇನಾ ಪಡೆಯ ಸೈನಿಕರಂತೆ ಸಮವಸ್ತ್ರ ಧರಿಸಿದ್ದರು. ಹೀಗಾಗಿ, ಸೈನಿಕರೇ ಬಸ್ಸುಗಳನ್ನು ತಪಾಸಣೆಗೆಂದು ತಡೆಯುತ್ತಿದ್ದಾರೆ ಎಂದೇ ಎಲ್ಲರೂ ಭಾವಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಮೃತರಲ್ಲಿ ನೌಕಾಪಡೆ ಮತ್ತು ಕರಾವಳಿ ರಕ್ಷಕ ಪಡೆಯ ತಲಾ ಒಬ್ಬರು ಸೇರಿದ್ದಾರೆ.