Reservation: ಮಾಜಿ ಅಗ್ನಿವೀರರಿಗೆ ಬಿಎಸ್‌ಎಫ್ ನಲ್ಲಿ ಶೇ.10 ಮೀಸಲು: ಕೇಂದ್ರ

ಹೊಸದಿಲ್ಲಿ: ಅಗ್ನಿವೀರ ಸೇವೆಯಲ್ಲಿ 4 ವರ್ಷ ಸೇವೆ ಸಲ್ಲಿಸಿ ಮಾಜಿಗಳಾದವರನ್ನು ಬಿಎಸ್‌ಎಫ್, ಅಸ್ಸಾಂ ರೈಫ‌ಲ್ಸ್‌, ಕೇಂದ್ರೀಯ ಸಶಸ್ತ್ರ ಪೊಲೀಸ್‌ ಪಡೆಗಳಲ್ಲಿ ನೇಮಿಸಲಾಗುತ್ತದೆ.

ಆ ಬಗ್ಗೆ ಕೇಂದ್ರ ಗೃಹ ಖಾತೆ ಸಹಾಯಕ ಸಚಿವ ನಿತ್ಯಾನಂದ ರಾಯ್‌ ರಾಜ್ಯಸಭೆಗೆ ತಿಳಿಸಿದ್ದಾರೆ. ಈ ಬಗ್ಗೆ ಬಿಎಸ್‌ಎಫ್ನ ನಿರ್ದೇಶಕ ನಿತಿನ್‌ ಅಗರ್ವಾಲ್‌ ಕೂಡ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ನೇಮಕದಲ್ಲಿ ಮಾಜಿ ಅಗ್ನಿವೀರರಿಗೆ ವಯೋಮಿತಿಯಲ್ಲಿ ರಿಯಾಯಿತಿ, ಶೇ.10 ಮೀಸಲು ನೀಡಲಾಗುತ್ತದೆ ಎಂದು ಹೇಳಿದ್ದರು.

ಸಿಆರ್‌ಪಿಎಫ್, ಸಿಐಎಸ್‌ಎಫ್ ಮುಖ್ಯಸ್ಥರೂ ಕೂಡ ಯೋಧರನ್ನು ನೇಮಕ ಮಾಡುವ ವೇಳೆ ಅಗ್ನಿವೀರರಿಗೆ ಮೀಸಲು ನೀಡಲಾಗುತ್ತದೆ ಎಂದು ಪ್ರಕಟಿಸಿದ್ದರು.