ಟೆಂಪೋ-ಟ್ಯಾಂಕರ್‌ ಢಿಕ್ಕಿ : 10 ಸಾವು, 32 ಮಂದಿಗೆ ಗಾಯ

ಮುಂಬಯಿ : ಮಹಾರಾಷ್ಟ್ರದ ನಾಂದೇಡ್‌ ಜಿಲ್ಲೆಯ ಲಾತೂರ್‌ -ಮುಖೇಡ್‌ ರಸ್ತೆಯಲ್ಲಿ ಇಂದು ಸಂಭವಿಸಿದ ಟೆಂಪೋ – ಟ್ಯಾಂಕರ್‌ ಢಿಕ್ಕಿಯಲ್ಲಿ 10 ಮಂದಿ ಮೃತಪಟ್ಟು ಇತರ 32 ಮಂದಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ.

ನಾಂದೇಡ್‌ನ‌ ಜಾಂಬ್‌ ಗ್ರಾಮದಲ್ಲಿ ಈ ಭೀಕರ ಅವಘಡ ಇಂದು ಬೆಳಗ್ಗೆ ಸಂಭವಿಸಿತು. ಮದುವೆ ಸಮಾರಂಭಕ್ಕೆ ಜನರನ್ನು ಒಯ್ಯುತ್ತಿದ್ದ ಟೆಂಪೋಗೆ ತೈಲ ಟ್ಯಾಂಕರ್‌ ಢಿಕ್ಕಿ ಹೊಡೆಯಿತು ಎಂದು ಮುಖೇಡ್‌ ನ  ಹಿರಿಯ ಪೊಲೀಸ್‌ ಅಧಿಕಾರಿ ಎಸ್‌ ಬಿ ಚೌಬೆ ತಿಳಿಸಿದ್ದಾರೆ.

10 ಮಂದಿ ಮೃತರಲ್ಲಿ ಎಂಟು ಮಂದಿ ಮಹಿಳೆಯರಾಗಿದ್ದಾರೆ. 32 ಗಾಯಾಳುಗಳಲ್ಲಿ 10 ಮಂದಿಯ ಪರಿಸ್ಥಿತಿ ಚಿಂತಾಜನಕವಿದೆ ಎಂದು ಚೌಬೆ ತಿಳಿಸಿದ್ದಾರೆ. ಟೆಂಪೋದಲ್ಲಿದ್ದವರು ಲಾತೂರ್‌ನ ಔಸಾ ತೆಹಸೀಲ್‌ನ ಖರೋಸಾ ಗ್ರಾಮದವರೆಂದು ತಿಳಿದು ಬಂದಿದೆ.