ಆಳದ ಕಮರಿಗೆ ಉರುಳಿ ಬಿದ್ದ ಕಾರು; ಓರ್ವ ಯಾತ್ರಿಕ ಸಾವು, ಮೂವರಿಗೆ ಗಾಯ

ಗೋಪೇಶ್ವರ : ಕಾಂಚನಗಂಗಾ ಸಮೀಪ, ಆಳದ ಕಮರಿಗೆ ಕಾರು ಉರುಳಿ ಬಿದ್ದ ದುರಂತದಲ್ಲಿ ಓರ್ವ ಯಾತ್ರಿಕ ಮೃತಪಟ್ಟು ಇತರ ಮೂವರು ಗಾಯಗೊಂಡ ಘಟನೆ ಇಂದು ಶುಕ್ರವಾರ ಬೆಳಗ್ಗೆ ನಡೆದಿದೆ.

ಮಹಿಳೆ ಸಹಿತ ಗಾಯಗೊಂಡ ಮೂವರನ್ನು ಬದರೀನಾಥ – ಜೋಶಿಮಠ ಸರಕಾರಿ ಆಸ್ಪತ್ರೆಗೆ ಸೇರಿಸಲಾಗಿದೆ.

ಚಮೋಲಿಯಲ್ಲಿನ ಅಧಿಕಾರಿಗಳ ಪ್ರಕಾರ ಈ ಕಾರಿನಲ್ಲಿದ್ದ ಹರಿಯಾಣದ ಯಾತ್ರಿಕರು ಬೆಳಗ್ಗೆ 6 ಗಂಟೆಗೆ ಬದರೀನಾಥ ದಿಂದ ಹೊರಟಿದ್ದರು. ತಿರುವೊಂದರಲ್ಲಿ ಚಾಲಕನಿಗೆ ನಿಯಂತ್ರಣ ತಪ್ಪಿ ಕಾರು ಆಳವಾದ ಕಮರಿಗೆ ಉರುಳಿ ಬಿತ್ತು ಎಂದು ಗೊತ್ತಾಗಿದೆ.