ಕೋಲ್ಕತಾ : ಮಾರುಕಟ್ಟೆಯಲ್ಲಿ ಸ್ಫೋಟ ;1 ಸಾವು, ಹಲವರಿಗೆ ಗಾಯ

ಕೋಲ್ಕತಾ: ನಗರದ ಉತ್ತರಭಾಗಕ್ಕಿರುವ ಹೊರವಲಯದ ನಾಗೇರ್‌ ಬಜಾರ್‌ ಎಂಬ ಮಾರುಕಟ್ಟೆಯಲ್ಲಿ ಮಂಗಳವಾರ ಸ್ಫೋಟವೊಂದು ಸಂಭವಿಸಿದ್ದು ಓರ್ವ ವ್ಯಕ್ತಿ ಸಾವನ್ನಪ್ಪಿದ್ದು, ಹಲವರು ಗಾಯಗೊಂಡಿದ್ದಾರೆ. 

ಹಣ್ಣಿನ ಅಂಗಡಿಯೊಂದರಲ್ಲಿ  ಭಾರಿ ಸ್ಫೋಟ ಸಂಭವಿಸಿದ್ದು, ಏಕಾಏಕಿ ಆದ ಸ್ಫೋಟದಿಂದ ಪಾದಾಚಾರಿಗಳು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಸ್ಥಳಕ್ಕೆ ಬಾಂಬ್‌ ನಿಷ್ಕ್ರೀಯ ದಳ ಆಗಮಿಸಿದ್ದು, ಘಟನೆ ಕುರಿತಾಗಿ ಸಿಐಡಿ ತನಿಖೆ ನಡೆಸಲಾಗುತ್ತಿದೆ.

ದಾಳಿ ನನ್ನನ್ನು ಗುರಿಯಾಗಿರಿಸಿಕೊಂಡು ನಡೆಸಲಾಗಿದೆ ಎಂದು ತೃಣಮೂಲ ಕಾಂಗ್ರೆಸ್‌ ಸ್ಥಳೀಯ ನಾಯಕ ಪಾಂಚು ಗೋಪಾಲ್‌ ರಾಯ್‌ ಹೇಳಿಕೊಂಡಿದ್ದಾರೆ.