Zika virus: ಮತ್ತೆ 7 ಮಂದಿಯಲ್ಲಿ ಝೀಕಾ ವೈರಸ್‌ ಪತ್ತೆ

ಬೆಂಗಳೂರು: ರಾಜ್ಯದಲ್ಲಿ ಮತ್ತೆ ಝೀಕಾ ವೈರಸ್‌ ಸೋಂಕಿನ ಭೀತಿ ಎದುರಾಗಿದ್ದು 7 ಮಂದಿಯಲ್ಲಿ ಸೋಂಕು ದೃಢವಾಗಿದೆ ಎಂದು ಆರೋಗ್ಯ ಇಲಾಖೆಯ ಆಯುಕ್ತ ಡಾ. ರಂದೀಪ ದೃಢಪಡಿಸಿದ್ದಾರೆ.

ಪ್ರಸ್ತುತ ರಾಜ್ಯದ ಎರಡು ಜಿಲ್ಲೆಯಲ್ಲಿ ಡೆಂಘೀ ಹರಡುವ ಈಡೀಸ್‌ ಸೊಳ್ಳೆಗಳಲ್ಲಿ ಝೀಕಾ ವೈರಸ್‌ ದೃಢವಾಗಿದೆ. ಆ ಮೂಲಕ ಝೀಕಾ ಸೋಂಕು ಎರಡು ಜಿಲ್ಲೆಗೆ ವ್ಯಾಪಿಸಿದೆ. ಈ ನಿಟ್ಟಿನಲ್ಲಿ ಆರೋಗ್ಯ ಇಲಾಖೆಯು ಈಡೀಸ್‌ ಲಾರ್ವಾ ನಿರ್ಮೂಲನೆ ಸಂಪೂರ್ಣವಾಗಿ ತೊಡಗಿಸಿಕೊಂಡಿದೆ. ಝೀಕಾ ವೈರಸ್‌ ಸೋಂಕು ದೃಢವಾದ ಸುಮಾರು 1 ಕಿ.ಮೀ. ಪ್ರದೇಶವನ್ನು ರಿಸ್ಕ್ ಝೋನ್‌ ಎನ್ನುವುದಾಗಿ ಗುರುತಿಸಿ, ಲಾರ್ವಾ ಸಮೀಕ್ಷೆ ತ್ರೀವಗೊಳಿಸಲಾಗುತ್ತದೆ. ಈ ಪ್ರದೇಶವನ್ನು ಎಲ್ಲ ಮನೆಗಳಿಗೆ ಆರೋಗ್ಯ ಸಿಬ್ಬಂದಿಗಳು ಒಂದು ತಿಂಗಳ ಕಾಲ ಪ್ರತಿ ನಿತ್ಯ ಭೇಟಿ ನೀಡಿ ಜ್ವರ ಸಮೀಕ್ಷೆ ಮಾಡಲಿದ್ದಾರೆ.

ಸಿಬ್ಬಂದಿ ಕೊರತೆ ಇರುವ ಸ್ಥಳದಲ್ಲಿ ಸ್ವಯಂ ಸೇವಕರನ್ನು ಬಳಸಿಕೊಳ್ಳುವಂತರ ಸೂಚನೆ ನೀಡಿದ್ದಾರೆ.