ಪ್ರಸಿದ್ಧ ವಾಹಿನಿಗಳಾಗಿರುವ ಜೀ-ಸೋನಿ ವಿಲೀನಕ್ಕೆ ಸಿಸಿಐ ಒಪ್ಪಿಗೆ

ನವದೆಹಲಿ: ಪ್ರಸಿದ್ಧ ವಾಹಿನಿಗಳಾಗಿರುವ ಜೀ ಮತ್ತು ಸೋನಿ ವಿಲೀನ ಮಾಡುವ ಮನವಿಗೆ ಭಾರತೀಯ ಸ್ಪರ್ಧಾತ್ಮಕ ಆಯೋಗ(ಸಿಸಿಐ) ಅನುಮತಿ ಕೊಟ್ಟಿದೆ.

ಆದರೆ ಎರಡೂ ಸಂಸ್ಥೆಗಳು ಕೆಲವು ಬದಲಾವಣೆಗಳನ್ನು ಮಾಡಿಕೊಂಡು, ವಿಲೀನ ಮಾಡಿಕೊಳ್ಳಬೇಕೆಂದು ಸೂಚಿಸಲಾಗಿದೆ.

ಹೀಗಾಗಿ, ಅ.14ರಂದು ಷೇರುದಾರರ ಸಭೆ ನಡೆಯಲಿದೆ. ಈ ಎರಡೂ ಸಂಸ್ಥೆಗಳು ವಿಲೀನ ಆಗುವುದಾಗಿ ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲೇ ಘೋಷಿಸಿದ್ದವು.

ಆದರೆ ವಿಲೀನಗೊಂಡ ವಾಹಿನಿಗೆ ಹೆಚ್ಚು ಗ್ರಾಹಕರು ಸಿಗುವುದರಿಂದ ಜಾಹೀರಾತು ದರ ಹೆಚ್ಚಿಸಬಹುದು ಹಾಗೂ ವಾಹಿನಿಯ ಶುಲ್ಕವನ್ನೂ ಹೆಚ್ಚಿಸಿಬಿಡಬಹುದು ಎಂದು ಸಿಸಿಐ ಅಭಿಪ್ರಾಯ ವ್ಯಕ್ತಪಡಿಸಿತ್ತು.