ಆಸ್ಟ್ರೇಲಿಯಾ ಕಾಡ್ಗಿಚ್ಚು ಸಹಾಯಾರ್ಥ ಪಂದ್ಯದಲ್ಲಿ ಯುವರಾಜ್ ಸಿಂಗ್ ಆಟ

ಸಿಡ್ನಿ: ಇತ್ತೀಚೆಗೆ ಆಸ್ಟ್ರೇಲಿಯಾವನ್ನು ಕಂಗೆಡಿಸಿದ್ದ ಕಾಡ್ಗಿಚ್ಚಿಗೆ ಪರಿಹಾರ್ಥವಾಗಿ ನಡೆಯಲಿರುವ ಕ್ರಿಕೆಟ್ ಪಂದ್ಯದಲ್ಲಿ ಯುವರಾಜ್ ಸಿಂಗ್ ಕೂಡಾ ಪಾಲ್ಗೊಳ್ಳಲಿದ್ದಾರೆ. ಯುವಿಯೊಂದಗೆ ಪಾಕಿಸ್ಥಾನದ ಮಾಜಿ ಆಟಗಾರ ವಾಸಿಂ ಅಕ್ರಮ್ ಕೂಡಾ ಪರಿಹಾರ ಪಂದ್ಯ ಆಡಲಿದ್ದಾರೆ.

ಆಸ್ಟ್ರೇಲಿಯಾದ ಮಾಜಿ ಆಟಗಾರರ ನಡುವೆ ಒಂದು ಪಂದ್ಯವನ್ನು ಆಯೋಜಿಸಲಾಗಿದ್ದು, ಇದರಿಂದ ಬಂದ ಹಣವನ್ನು ಕಾಡ್ಗಿಚ್ಚು ಸಂತ್ರಸ್ಥರಿಗೆ ನೀಡಲಾಗುವುದು.

ರಿಕಿಪಾಂಟಿಂಗ್ ಇಲೆವೆನ್ ಮತ್ತು ಶೇನ್ ವಾರ್ನೆ ಇಲೆವೆನ್ ತಂಡಗಳು ಈ ಪಂದ್ಯದಲ್ಲಿ ಕಾದಾಡಲಿದೆ. ಆಂಡ್ರೋ ಸೈಮಂಡ್ಸ್, ಮೈಕ್ ಹಸ್ಸಿ, ಬ್ರಾಡ್ ಹ್ಯಾಡಿನ್ ಮತ್ತು ಮಹಿಳಾ ಆಟಗಾರರಾದ ಎಲಿಸ್ ವಿಲಾನಿ ಮತ್ತು ಗ್ರೇಸ್ ಹ್ಯಾರಿಸ್ ಈ ಪಂದ್ಯದಲ್ಲಿ ಆಡಲಿದ್ದಾರೆ.

ಸದ್ಯ ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಬಿಬಿಎಲ್ ನ ಫೈನಲ್ ಗೆ ಮುನ್ನ ಈ ಪಂದ್ಯ ನಡೆಯಲಿದೆ.