ಇಂದಿನ ಗ್ರಹಬಲ: ಈ ರಾಶಿಯವರಿಗಿಂದು ಹೃದಯದ ಭಾವನೆಗಳಿಗೆ ಉತ್ತಮ ಸ್ಪಂದನೆ ದೊರಕಲಿದೆ!

6-02-2021

ಮೇಷ: ದಿನೇ ದಿನೇ ಅಭಿವೃದ್ಧಿಗೊಳ್ಳುವ ಪಥದಲ್ಲಿ ನೀವು ಇರುತ್ತೀರಿ. ನಿಮ್ಮ ಹಿಂಜರಿಕೆ ಇಲ್ಲದ ಕಠಿಣ ಪರಿಶ್ರಮ ಹಾಗೂ ಆತ್ಮವಿಶ್ವಾಸವು ನಿಮ್ಮನ್ನು ಕಾಪಾಡಲಿದೆ. ಅನಾವಶ್ಯಕವಾಗಿ ನಿರಾಸೆಗೊಳ್ಳುವ ಪ್ರಸಂಗ ಒದಗಬಹುದು.

ವೃಷಭ: ಇತರರೊಂದಿಗೆ ಉತ್ತಮ ಸಂವಹನ ಸಾಧಿಸಲು ವಿಫ‌ಲರಾಗುತ್ತೀರಿ. ಕೆಟ್ಟ ಚಟಗಳ ದಾಸರಾಗದಂತೆ ಜಾಗ್ರತೆ ವಹಿಸುವ ಅಗತ್ಯವಿದೆ. ನಿಯಂತ್ರಿಸುವುದು ಅಗತ್ಯವಿದೆ. ಕಾರ್ಯರಂಗದಲ್ಲಿ ಯಶಸ್ಸು ಇದೆ.

ಮಿಥುನ: ಆಪ್ತರೊಬ್ಬರ ಕುರಿತು ಅತೀ ಭಾವುಕರಾಗುವಿರಿ. ಅವರ ರಕ್ಷಣೆಗೆ ಕಷ್ಟಪಡುವಿರಿ. ಆರೋಗ್ಯ ಸಮಸ್ಯೆ ಅಲರ್ಜಿಯಂತಹ ಕಾಯಿಲೆ ಕಾಡಬಹುದು. ವೈದ್ಯರ ಅವಶ್ಯಕತೆ ಕಂಡುಬರಬಹುದು. ಶುಭವಿರುತ್ತದೆ.

ಕರ್ಕ: ವ್ಯಾಪಾರ, ವ್ಯವಹಾರದಲ್ಲಿ ಸಾಧಾರಣ ಧನಲಾಭವು ಆಗಲಿದೆ. ಎಣ್ಣೆಕಾಳು ಹಾಗೂ ಕಪ್ಪು ಬಣ್ಣದ ವಸ್ತುಗಳ ವ್ಯಾಪಾರದಿಂದ ಅಧಿಕ ಲಾಭ ಸಿಗಲಿದೆ. ವಾದವಿವಾದದಲ್ಲಿ ಗೆಲುವಿದೆ. ಮಿತ್ರರಿಂದ ಸಹಕಾರ ಸಿಗಲಿದೆ.

ಸಿಂಹ: ನಿಮ್ಮ ಹೃದಯದ ಭಾವನೆಗಳಿಗೆ ಉತ್ತಮ ಸ್ಪಂದನೆ ದೊರಕಲಿದೆ. ಯಾವುದೇ ಕೆಲಸದಲ್ಲಿ ಏಕಾಗ್ರತೆ ಯನ್ನು ಕಾಪಾಡಲು ಕಷ್ಟವಾದೀತು. ಮನಸ್ಸು ತುಂಬಾ ಚಂಚಲವಾಗಿರುತ್ತದೆ. ಪ್ರೇಮಿಗಳ ಪಾಲಿಗೆ ಮಹತ್ತರ ಬೆಳವಣಿಗೆ ಇದೆ.

ಕನ್ಯಾ: ಅನಿರೀಕ್ಷಿತ ವರ್ತನೆಯ ಮೂಲಕ ಇತರರಲ್ಲಿ ಅಸಹನೆ ಮೂಡಿಸುತ್ತೀರಿ. ಯಾರ ಮಾತಿಗೂ ಬೆಲೆ ಕೊಡುವುದಿಲ್ಲ. ಆದರೂ ನಿಮ್ಮ ಬಗ್ಗೆ ಇತರರು ಅಸಹನೆ ಪಡುವಷ್ಟು ಕೆಟ್ಟದಾಗಿ ವರ್ತಿಸದಿರಿ. ಶುಭವಿದೆ.

ತುಲಾ: ಇತರರೊಂದಿಗೆ ಮುಕ್ತವಾಗಿ ಬೆರೆಯುವ ಅವಶ್ಯಕತೆಯ ಅಗತ್ಯವಿರುತ್ತದೆ. ಏನಾದರೊಂದು ನಿರ್ಧಾರವನ್ನು ಕೈಗೊಳ್ಳುವ ಮೊದಲು ಸ್ವಲ್ಪ ಆಲೋಚಿಸಿ ಮುನ್ನಡೆಯಿರಿ. ನಿಮ್ಮ ಭಾವನೆಯನ್ನು ಇತರರೊಂದಿಗೆ ಹಂಚಿಕೊಳ್ಳಿರಿ.

ವೃಶ್ಚಿಕ: ಆರ್ಥಿಕ ಪರಿಸ್ಥಿತಿಯಲ್ಲಿ ಏರುಪೇರು ಕಂಡುಬಂದು ತಲೆ ಕೆಟ್ಟುಹೋದೀತು. ಗೃಹದಲ್ಲಿ ಪತ್ನಿಗೆ ಖರ್ಚು ಕಡಿಮೆ ಮಾಡಲು ಸೂಚನೆ ನೀಡಿರಿ. ಮಕ್ಕಳ ಬಗ್ಗೆ ಅತೀ ಅಂಧವಿಶ್ವಾಸ ಸಲ್ಲದು. ಪರಾಮರ್ಶಿಸಿ ಮುನ್ನಡೆಯಿರಿ.

ಧನು: ಆರ್ಥಿಕ ಸ್ಥಿತಿಯು ಉತ್ತಮವಾಗಿದ್ದರೂ ಖರ್ಚಿನ ಭಾಗ ಹೆಚ್ಚಾಗಲಿದೆ. ಕೌಟುಂಬಿಕವಾಗಿ ಸೌಹಾರ್ದ ಕದಡಬಹುದು. ಆರೋಗ್ಯದಲ್ಲಿ ಸುಧಾರಣೆ ಕಂಡುಬರುವುದು. ಗೃಹದಲ್ಲಿ ಪತ್ನಿಯಿಂದ ಉತ್ತಮ ಸಲಹೆಗಳು.

ಮಕರ: ದೂರ ಪ್ರಯಾಣದ ಸಂಭವ ಕಂಡುಬರಬಹುದು. ಕೋರ್ಟುಕಚೇರಿ ಕಾರ್ಯ ಭಾಗದಲ್ಲಿ ತೊಡಕಿನಲ್ಲಿ ಸಿಕ್ಕಿ ಹಾಕಿಕೊಳ್ಳುವಿರಿ. ಅಸಹನೆಯು ನಿಮ್ಮನ್ನು ಕಾಡಲಿದೆ. ಅನಪೇಕ್ಷಿತ ವರ್ತನೆಗೆ ಕಾರಣವಾಗಬಹುದು.

ಕುಂಭ: ಪ್ರಮುಖವಾದ ನಿರ್ಧಾರವನ್ನು ತೆಗೆದುಕೊಳ್ಳಲು ಅವಸರಿಸದಿರಿ. ನಿಮ್ಮ ಸಮಯವು ಸರಿಯಿಲ್ಲ. ಆರ್ಥಿಕ ಸಂಕಷ್ಟವಾಗಿ ಕಂಡುಬರಬಹುದು. ಖರ್ಚುವೆಚ್ಚಗಳನ್ನು ಕಡಿಮೆ ಮಾಡಿರಿ. ಸಮತೋಲನ ಸಾಗಲಿದೆ.

ಮೀನ: ಸಂಬಂಧಗಳು ಸುಗಮಗೊಳ್ಳುತ್ತವೆ. ಕೌಟುಂಬಿಕವಾಗಿ ಸ್ವಲ್ಪ ಏರುಪೇರುಗಳು ಕಂಡುಬರ ಬಹುದು. ಆರ್ಥಿಕವಾಗಿ ಸುಧಾರಣೆ ಕಂಡುಬರುವುದು. ಮನಸ್ಸನ್ನು ಗಟ್ಟಿಗೊಳಿಸಿರಿ. ಹಿರಿಯರ ಮಾತಿಗೆ ಬೆಲೆ ಕೊಡಿರಿ.

 

ಎನ್‌.ಎಸ್‌. ಭಟ್‌