Advertisement
ಮೈಸೂರು ಮಹಾರಾಜ ಚಾಮ ರಾಜೇಂದ್ರ ಒಡೆಯರ್‌, ಕಿಂಗ್‌ ಎಡ್ವರ್ಡ್‌, ಶೇಷಾದ್ರಿ ಅಯ್ಯರ್‌, ಮಾರ್ಕ್‌ ಕಬ್ಬನ್‌, ರಾಣಿ ವಿಕ್ಟೋರಿಯಾ ಅವರ ಪ್ರತಿಮೆಗಳನ್ನು ಶತಮಾನದಷ್ಟು ಹಿಂದೆಯೇ ಕಬ್ಬನ್‌ ಪಾರ್ಕ್‌ನಲ್ಲಿ ಪ್ರತಿಷ್ಠಾಪಿಸಲಾಗಿದೆ. ಈ ಪ್ರತಿಮೆಗಳು ಈಗ್ಗೆ ಕೆಲವು ವರ್ಷಗಳಿಂದೀಚೆಗೆ ನಾನಾ ಕಾರಣಗಳಿಂದ ಸ್ವಲ್ಪ ಶಿಥಿಲಗೊಂಡಿದ್ದವು.
Related Articles
Advertisement
ರಾಣಿ ಬೆರಳಿಗೆ ಊನ: ಎಂ.ಜಿ.ರಸ್ತೆ ಗೇಟ್‌ನಲ್ಲಿ 1906ರಲ್ಲಿ ಒಂದು ಸಾವಿರ ಡಾಲರ್‌ ವೆಚ್ಚದಲ್ಲಿ ಸ್ಥಾಪನೆಯಾಗಿದ್ದ ರಾಣಿ ವಿಕ್ಟೋರಿಯಾ ಅವರ ಪ್ರತಿಮೆಯ ಬಲಗೈ ಬೆರಳುಗಳು ಮತ್ತು ಅವರು ಹಿಡಿದುಕೊಂಡಿರುವ ಹೂಬುಟ್ಟಿ ಮುರಿದಿದ್ದು, ದುರಸ್ತಿಗೆ ಹಾಗೂ ಮಾರ್ಬಲ್‌ ಸಂರಕ್ಷಣೆ, ರಾಸಾಯನಿಕ ಬಳಸಿ ಶುಚಿಗೊಳಿಸಲು 4.30 ಲಕ್ಷ ರೂ.ವೆಚ್ಚವಾಗಲಿದೆ.
ಎಡ್ವರ್ಡ್‌ ಮೂಗು ಮುರಿತ: ಪ್ರಸ್‌ಕ್ಲಬ್‌ ಸಮೀಪ 1919ರಲ್ಲಿ ಸ್ಥಾಪಿಸಲಾಗಿದ್ದ ಕಿಂಗ್‌ ಎಡ್ವರ್ಡ್‌ ಪ್ರತಿಮೆಯಲ್ಲಿ ಮೂಗು ಮುರಿದಿದ್ದು, ಎಡಗಾಲಿನ ಶೂ ಮುರಿದು ವಿರೂಪಗೊಂಡಿದೆ. ಈ ಪ್ರತಿಮೆ ದುರಸ್ತಿ ಹಾಗೂ ರಾಸಾಯನಿಕದ ಶುಚಿತ್ವ, ಮೆರಗು, ಸಂರಕ್ಷಣೆ ಇತ್ಯಾದಿ ಉದ್ದೇಶಕ್ಕಾಗಿ ಹೆಚ್ಚುವರಿಯಾಗಿ 5.30 ಲಕ್ಷ ರೂ. ವೆಚ್ಚವಾಗಲಿದೆ.
ಕೇಂದ್ರ ಗ್ರಂಥಾಲಯದ ಮುಂಭಾಗ ದಲ್ಲಿನ ದಿವಾನ್‌ ಶೇಷಾದ್ರಿ ಅಯ್ಯರ್‌ (1913) ಮತ್ತು ಹೈಕೋರ್ಟ್‌ ಮುಂಭಾಗ, ಬ್ಯಾಂಡ್‌ಸ್ಟಾಂಡ್‌ ಸಮೀಪ ಪ್ರತಿಷ್ಟಾಪಿಸಲಾಗಿರುವ ಮಾರ್ಕ್‌ ಕಬ್ಬನ್‌ ಅವರ ಪ್ರತಿಮೆಗಳು ಕಂಚಿನವಾಗಿವೆ. ಇವುಗಳನ್ನು ರಾಸಾಯನಿಕ ಬಳಸಿ ಸ್ವತ್ಛಗೊಳಿಸಲು 1.50 ಲಕ್ಷ ರೂ. ಬಳಸಲಾಗುತ್ತಿದೆ ಎಂದು ಪುರಾತತ್ವ ಇಲಾಖೆ ಉಪನಿರ್ದೇಶಕ ಅಕೋಜಿ ಮಾಹಿತಿ ನೀಡಿದ್ದಾರೆ.
ಪ್ರತಿಮೆಗಳ ಕಾಯ ಕಲ್ಪಕ್ಕೆ ತೋಟಗಾರಿಕೆ ನಿರ್ಧರಿಸಿದೆ. ಇದಕ್ಕಾಗಿ 15.50 ಲಕ್ಷ ರೂ.ಬಿಡುಗಡೆ ಮಾಡಲಾಗಿದೆ. ಈಗಾಗಲೇ ಪುರಾತತ್ವ ಇಲಾಖೆ ಟೆಂಡರ್‌ ಪ್ರಕ್ರಿಯೆ ಪೂರ್ಣಗೊಳಿಸಿದೆ. ಶೀಘ್ರವೇ ದುರಸ್ತಿ ಕಾರ್ಯ ಆರಂಭವಾಗಲಿದೆ. -ಮಹಂತೇಶ್‌ಮುರುಗೋಡು, ಉಪನಿರ್ದೇಶಕ, ಕಬ್ಬನ್‌ಪಾರ್ಕ್‌