Advertisement

ವಸತಿ ಬಸ್‌ ತಡೆದು ಕಳಚೆ ಗ್ರಾಮಸ್ಥರ ಪ್ರತಿಭಟನೆ

05:04 PM Sep 27, 2022 | Team Udayavani |

ಯಲ್ಲಾಪುರ: ತಾಲೂಕಿನ ಕಳಚೆಯ ಕೆಲವು ಗ್ರಾಮಸ್ಥರು ದಿಢೀರ್‌ ವಸತಿ ಬಸ್ಸನ್ನು ತಡೆದು ಪ್ರತಿಭಟನೆ ನಡೆಸಿದ ಘಟನೆ ಸೋಮವಾರ ನಡೆದಿದೆ.

Advertisement

ಬೆಳಗ್ಗೆ 7:30 ಗೆ ಕಳಚೆಯಿಂದ ಬಿಡಬೇಕಾದ ಬಸ್ಸನ್ನು 6:30 ಕ್ಕೆ ಬಿಡಲು ಆರಂಭಿಸಿದ್ದು ಇದರಿಂದ ಸಾರ್ವಜನಿಕರಿಗೆ ವಿದ್ಯಾರ್ಥಿಗಳಿಗೆ ತೊಂದರೆಯಾಗುತ್ತಿದೆ. ಈ ಮೊದಲಿನಂತೆ 7:30 ಕ್ಕೇ ಬಿಡಬೇಕು ಎಂದು ಒತ್ತಾಯಿಸಿದರು. ಈ ಹಿಂದೆ ಕಳಚೆಗೆ ಬಿಡುತ್ತಿದ್ದ ಆರು ಬಸ್‌ಗಳಲ್ಲಿ ಈಗ ಮೂರು ಸಲ ಮಾತ್ರ ಬಿಡುತ್ತಿದ್ದಾರೆ.

ಈ ಮೊದಲಿನಂತೆ ಸಮಯ ಮತ್ತು ಬಸ್‌ಗಳನ್ನು ಬಿಡಬೇಕೆಂದು ಒತ್ತಾಯಿಸಿದರು. ನಂತರ ಜನರ ಬೇಡಿಕೆಗೆ ಸಾರಿಗೆ ಅಧಿಕಾರಿಗಳು ಸ್ಪಂದಿಸಿದ ಬಳಿಕ ತಡೆಹಿಡಿದಿದ್ದ ಬಸ್ಸನ್ನು ಕಳಿಸಿಕೊಟ್ಟರು. ಗ್ರಾಮಸ್ಥರು ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು.

ಬೆಳಗ್ಗೆ 9ಕ್ಕೆ ಕಳಚೆಗೆ ಹೋಗಬೇಕಿದ್ದ ಬಸ್ಸು ಯಲ್ಲಾಪುರದಿಂದ ಬಿಡದ ಕಾರಣ ಕಳಚೆ ಮತ್ತು ಆ ಮಾರ್ಗದಲ್ಲಿ ಆ ವೇಳೆಗೆ ಹೋಗಬೇಕಿದ್ದ ಶಿಕ್ಷಕರು, ಆರೋಗ್ಯ ಸಿಬ್ಬಂದಿ ಮಲವಳ್ಳಿ ಬಸ್ಸಿಗೆ ತೆರಳಿ ತಳಕೆಬೈಲ್‌ದಿಂದ ನಡೆದುಕೊಂಡೇ ಹೋದರು. ಆದರೆ ಆ ನಂತರದಲ್ಲಿ ಪ್ರತಿಭಟನಾಕಾರರ ಬೇಡಿಕೆ ಮನವಿ ಸ್ವೀಕರಿಸಲು ಸಾರಿಗೆ ನಿಯಂತ್ರಕರೊಬ್ಬರೇ ಪ್ರತ್ಯೇಕ ಬಸ್ಸಿನಲ್ಲಿ ಕಳಚೆಗೆ ಹೋದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next