ಈದುಲ್ ಫಿತರ್‌ ಸಂಭ್ರಮ

ಯಾದಗಿರಿ: ಮೂವತ್ತು ದಿನ ಶ್ರದ್ಧೆಯಿಂದ ಕಠಿಣ ಉಪವಾಸ ವೃತ ಆಚರಿಸಿದ ಮುಸ್ಲಿಮರು ಮಂಗಳವಾರ ಚಂದ್ರ ದರ್ಶನದ ಬಳಿಕ ಸಾಂಪ್ರದಾಯದಂತೆ ಬುಧವಾರ ಸಂಭ್ರಮದ ರಂಜಾನ್‌ ಹಬ್ಬವನ್ನು ಆಚರಿಸಿದರು.

ಬೆಳಗ್ಗೆ ನಗರದ ಹೊರವಲಯದಲ್ಲಿ ಮಕ್ಕಳು, ಯುವಕರು ಹಾಗೂ ಹಿರಿಯರು ಈದ್ಗಾ ಮೈದಾನಕ್ಕೆ ತೆರಳಿ ಸಾಮೂಹಿಕವಾಗಿ ಪ್ರಾರ್ಥನೆ ಸಲ್ಲಿಸಿ ಪರಸ್ಪರ ಶುಭಾಶಯ ವಿನಿಮಯ ಮಾಡಿಕೊಂಡರು.

ಈ ವೇಳೆ ಪ್ರಮುಖರಾದ ಲಾಯಕ್‌ ಹುಸೇನ ಬಾದಲ್, ಜೆಡಿಎಸ್‌ ಮುಖಂಡ ಎ.ಸಿ. ಕಾಡ್ಲೂರ ಸೇರಿದಂತೆ ಹಲವರು ಇದ್ದರು. ಹಬ್ಬದ ನಿಮಿತ್ತ ಸಂಪ್ರದಾಯದಂತೆ ಚಿಕ್ಕ ಮಕ್ಕಳು, ಯುವಕರು ಹೊಸ ಉಡುಪುಗಳನ್ನು ಧರಿಸಿ ಸಿಹಿ ತಿನಿಸುಗಳನ್ನು ತಯಾರಿಸಿ ನೆರೆಹೊರೆಯವರೊಂದಿಗೆ ಹಂಚಿ ಸಂಭ್ರಮಿಸಿದರು.

ವಡಗೇರಾದಲ್ಲಿ ರಂಜಾನ್‌: ವಡಗೇರಾದಲ್ಲಿ ಮುಸ್ಲಿಂ ಬಾಂಧವರು ಪವಿತ್ರ ರಂಜಾನ್‌ ಹಬ್ಬದ ಹಿನ್ನೆಲೆ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.

ಈ ವೇಳೆ ಬಾಷುಮೀಯಾ ಸೇರಿದಂತೆ ಹಲವರು ಇದ್ದರು. ತಾಲೂಕಿನ ಕುರಕುಂದಾ ಗ್ರಾಮದಲ್ಲಿಯೂ ನೂರಾರು ಮುಸ್ಲಿಮರು ರಂಜಾನ್‌ ಹಿನ್ನೆಲೆ ಪ್ರಾರ್ಥನೆ ಮಾಡಿದರು. ಬಳಿಕ ಪರಸ್ಪರ ತಬ್ಬಿಕೊಂಡು ಶುಭಾಶಯ ಕೋರಿದರು.

ನಾಯ್ಕಲ್ನಲ್ಲಿ ರಂಜಾನ್‌: ಗ್ರಾಮದ ಮುಸ್ಲಿಮರು ಪವಿತ್ರ ರಂಜಾನ್‌ ಹಬ್ಬದ ನಿಮಿತ್ಯ ಗ್ರಾಮದ ಹೊರ ವಲಯದ ಈದ್ಗಾ ಮೈದಾನದಲ್ಲಿ ಬುಧವಾರ ಬೆಳಗ್ಗೆ ಸಾಮೂಹಿಕ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು. ಮುಸ್ಲಿಂ ಸಮಾಜದ ಪ್ರಮುಖರಾದ ಬಾಷುಮೀಯಾ ಫರ್ಟಿಲೈಸರ್, ಜಲಾಲಸಾಬ್‌ ಮಿರ್ಚಿ, ಗ್ರಾಪಂ ಅಧ್ಯಕ್ಷ ಖಾಜಾ ಮೈನೋದ್ಧೀನ್‌ ಜೇಮಶೇರಿ, ಇಸ್ಮಾಯಿಲ್ಸಾಬ್‌ ಕುರುಕುಂದಿ, ಜಲಾಲಸಾಬ್‌ ಸೌದಗಾರ್‌, ಅಬ್ದುಲ್ನಬೀ ಹೊಸಳ್ಳಿ, ಶಬ್ಬೀರ್‌, ರಜಾಕಸಾಬ್‌ ಚಟ್ನಳ್ಳಿ, ಮಹಮ್ಮದ ಗುಲಾಮ ಚಟ್ನಳ್ಳಿ ಸೇರಿದಂತೆ ನೂರಾರು ಜನ ಯುವಕರು ಇದ್ದರು.