City Bank: ಸಿಟಿ ತಾಯಂದಿರಿಗೆ ವರ್ಕ್‌ ಫ್ರಂ ಹೋಂ

ಮುಂಬೈ: ಮಗುವಿಗೆ ಜನ್ಮನೀಡಿದ ತಾಯಂದಿರಿಗೆ 12 ತಿಂಗಳವರೆಗೆ ಮನೆಯಿಂದಲೇ ಕೆಲಸ ಮಾಡುವ ಹೊಸ ವ್ಯವಸ್ಥೆಯನ್ನು ಸಿಟಿ ಬ್ಯಾಂಕ್‌ ಜಾರಿಗೆ ತಂದಿದೆ. ಸದ್ಯದ 26 ವಾರಗಳ ಹೆರಿಗೆ ರಜೆ ಮುಕ್ತಾಯಗೊಂಡ ಬಳಿಕ ಅನುಷ್ಠಾನವಾಗಲಿದೆ.

ಗರ್ಭಿಣಿಯಾಗಿರುವ ಕೊನೆಯ 3 ತಿಂಗಳ ಅವಧಿಯಲ್ಲಿ ವಿಶೇಷವಾಗಿ ಕೋರಿಕೆ ಸಲ್ಲಿಸಿ, ಅನುಮೋದನೆಗೊಂಡರೆ ಹೆಚ್ಚುವರಿಯಾಗಿ ಮನೆಯಿಂದಲೇ ಕೆಲಸ ಮಾಡಲು ಅವಕಾಶ ಸಿಗಲಿದೆ. ದೇಶದಲ್ಲಿ ಇಷ್ಟು ದೀರ್ಘಾವಧಿಗೆ ಹೆರಿಗೆ ರಜೆಯನ್ನು ವಿಸ್ತೃತವಾಗಿ ನೀಡಿರುವ ಮೊದಲ ಕಂಪನಿ ಎಂಬ ಹೆಗ್ಗಳಿಕೆಗೆ ಸಿಟಿ ಬ್ಯಾಂಕ್‌ ಪಾತ್ರವಾಗಿದೆ. ಚಂದಾ ಕೊಚರ್‌ ಐಸಿಐಸಿಐ ಬ್ಯಾಂಕ್‌ನ ಸಿಎಂಡಿ ಆಗಿದ್ದ ಅವಧಿಯಲ್ಲಿ 1 ವರ್ಷದವರೆಗೆ ಮಹಿಳೆಯರಿಗೆ ಮನೆಯಿಂದಲೇ ಕೆಲಸ ಮಾಡುವ ಅವಕಾಶ ಕಲ್ಪಿಸಿಕೊಟ್ಟಿದ್ದರು.