ಢಾಕಾ: ಬಾಂಗ್ಲಾದೇಶದಲ್ಲಿ ಆಯೋಜಿಸಲಾಗುವ 2024 ರ ಮಹಿಳಾ ಟಿ20 ವಿಶ್ವಕಪ್ ಗಾಗಿ ಗುಂಪುಗಳು ಮತ್ತು ಪಂದ್ಯಗಳ ವೇಳಾಪಟ್ಟಿಯನ್ನು ಭಾನುವಾರ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) ಪ್ರಕಟಿಸಿದೆ.
ಢಾಕಾ ಮತ್ತು ಸಿಲ್ಹೆಟ್ ನಲ್ಲಿ ವಿಶ್ವಕಪ್ ಪಂದ್ಯಗಳು ನಡೆಯಲಿದ್ದು, 23 ಪಂದ್ಯಗಳು 19 ದಿನಗಳ ಕಾಲ ನಡೆಯಲಿದೆ. ಸೆಮಿ ಫೈನಲ್ ಮತ್ತು ಫೈನಲ್ ಪಂದ್ಯಗಳಿಗೆ ಮೀಸಲು ದಿನ ಇರಿಸಲಾಗಿದೆ.
ಟೀಂ ಇಂಡಿಯಾ ತನ್ನ ಮಹಿಳಾ ಟಿ20 ವಿಶ್ವಕಪ್ ಅಭಿಯಾನವನ್ನು ಅಕ್ಟೋಬರ್ 4 ರಂದು ನ್ಯೂಜಿಲ್ಯಾಂಡ್ ವಿರುದ್ಧ ಸಿಲ್ಹೆಟ್ ನಲ್ಲಿ ಪ್ರಾರಂಭಿಸಲಿದೆ. ಭಾರತವು ಆಸ್ಟ್ರೇಲಿಯಾ, ನ್ಯೂಜಿಲ್ಯಾಂಡ್, ಪಾಕಿಸ್ತಾನ ಮತ್ತು ವಿಶ್ವಕಪ್ ಅರ್ಹತಾ ಪಂದ್ಯಗಳಿಂದ ಒಂದು ರಾಷ್ಟ್ರದೊಂದಿಗೆ ಎ ಗುಂಪಿನಲ್ಲಿದೆ.
ಪಂದ್ಯಾವಳಿಯಲ್ಲಿ ಪ್ರತಿ ತಂಡವು ನಾಲ್ಕು ಗುಂಪು ಪಂದ್ಯಗಳನ್ನು ಆಡುತ್ತದೆ, ಪ್ರತಿ ಗುಂಪಿನ ಅಗ್ರ ಎರಡು ತಂಡಗಳು ಅಕ್ಟೋಬರ್ 17 ಮತ್ತು 18 ರಂದು ಸೆಮಿ-ಫೈನಲ್‌ಗೆ ಮುನ್ನಡೆಯುತ್ತವೆ. ಅಕ್ಟೋಬರ್ 20 ರಂದು ಢಾಕಾದಲ್ಲಿ ನಡೆಯಲಿರುವ ಫೈನಲ್ ನಡೆಯಲಿದೆ.
ಮಹಿಳೆಯರ ಟಿ20 ವಿಶ್ವಕಪ್‌ನಲ್ಲಿ ಭಾರತ ಪಂದ್ಯಗಳು
ಅಕ್ಟೋಬರ್ 4: ಭಾರತ Vs ನ್ಯೂಜಿಲೆಂಡ್, ಸಿಲ್ಹೆಟ್
ಅಕ್ಟೋಬರ್ 6: ಭಾರತ Vs ಪಾಕಿಸ್ತಾನ, ಸಿಲ್ಹೆಟ್
ಅಕ್ಟೋಬರ್ 9: ಭಾರತ Vs ಕ್ವಾಲಿಫೈಯರ್ 1, ಸಿಲ್ಹೆಟ್
ಅಕ್ಟೋಬರ್ 13: ಭಾರತ Vs ಆಸ್ಟ್ರೇಲಿಯಾ, ಸಿಲ್ಹೆಟ್
ನಾಕೌಟ್‌ಗಳು
ಅಕ್ಟೋಬರ್ 17: ಮೊದಲ ಸೆಮಿಫೈನಲ್, ಸಿಲ್ಹೆಟ್
ಅಕ್ಟೋಬರ್ 18: ಎರಡನೇ ಸೆಮಿಫೈನಲ್, ಢಾಕಾ
ಅಕ್ಟೋಬರ್ 20: ಫೈನಲ್, ಢಾಕಾ
