FIR ದಾಖಲಿಸದ ಪೊಲೀಸ್‌ಗೆ ಆರತಿ ಎತ್ತಿದಳು! ; Viral Video

ಭೋಪಾಲ್‌: ಮಧ್ಯಪ್ರದೇಶದಲ್ಲಿ ಹಲವಾರು ದಿನಗಳಿಂದ ಎಫ್ಐಆರ್‌ ದಾಖಲಿಸದೇ ಸತಾಯಿಸುತ್ತಿದ್ದ ಪೊಲೀಸ್‌ ಅಧಿಕಾರಿಗೆ ಮಹಿಳೆಯೊಬ್ಬರು ಆರತಿ ಎತ್ತಿ ಆಕ್ರೋಶ ವ್ಯಕ್ತಪಡಿಸಿರುವ ವೀಡಿಯೋ ಈಗ ವೈರಲ್‌ ಆಗಿದೆ.

ಮಧ್ಯಪ್ರದೇಶದ ರೇವಾ ಎಂಬಲ್ಲಿ ಕುಟುಂಬವೊಂದು ಕಳೆದ 26 ದಿನಗಳಿಂದ ದಿನಂಪ್ರತಿ ತಮ್ಮ ಸಮಸ್ಯೆ ಕುರಿತು ಎಫ್ಐಆರ್‌ ದಾಖಲಿಸಿಕೊಳ್ಳುವಂತೆ ಪೊಲೀಸ್‌ ಠಾಣೆಗೆ ಅಲೆದು ಅಲೆದು ಬೇಸತ್ತಿದೆ. ಪೊಲೀಸ್‌ ಅಧಿಕಾರಿಯ ನಿರ್ಲಕ್ಷ್ಯದಿಂದ ಆಕ್ರೋಶಗೊಂಡ ಮಹಿಳೆ ತನ್ನ ಪತಿ ಮತ್ತು ಮಗಳೊಂದಿಗೆ ಠಾಣೆಗೆ ತೆರಳಿ, ಅಧಿಕಾರಿಗಳಿಗೆ ಆರತಿ ಬೆಳಗಿದ್ದಾರೆ. ವೀಡಿಯೋ ವೈರಲ್‌ ಆಗುತ್ತಿದ್ದಂತೆ ನೆಟ್ಟಿಗರು ಪೊಲೀಸರ ವಿರುದ್ಧ ಕಿಡಿಕಾರಿದ್ದಾರೆ.