ಕೋವಿಡ್‌ನಿಂದ ಮಹಿಳೆ ಮೃತ್ಯು: ಪುತ್ತೂರಿನಲ್ಲಿ ಶಾಸಕರ ವಾರ್‌ರೂಮ್ ಮೂಲಕ ಅಂತ್ಯಕ್ರಿಯೆ

ಪುತ್ತೂರು: ಕೋವಿಡ್ ಸೋಂಕಿಗೆ ತುತ್ತಾಗಿ ಮೃತಪಟ್ಟ ಪೆರುವಾಜೆ 56 ವರ್ಷದ ಮಹಿಳೆಯೊಬ್ಬರ ಮೃತ ದೇಹವನ್ನು ಪುತ್ತೂರು ಶಾಸಕರ ವಾರ್‌ರೂಮ್ ನೇತೃತ್ವದಲ್ಲಿ ಪುತ್ತೂರು ಮಡಿವಾಳ ಕಟ್ಟೆ ಸ್ಮಶಾನದಲ್ಲಿ ಅಂತ್ಯ ಸಂಸ್ಕಾರ ನಡೆಸಲಾಯಿತು.

ಸುಳ್ಯ ತಾಲೂಕಿನ ಪೆರುವಾಜೆ ನಿವಾಸಿ 56 ವರ್ಷದ ಮಹಿಳೆ ಕೋವಿಡ್‌ನಿಂದ ಮಂಗಳೂರು ದೇರಳಕಟ್ಟೆ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು. ಅಲ್ಲಿ ಅವರು ಎ.30ರ ರಾತ್ರಿ ಬೆಳಿಗ್ಗೆ ಮೃತಪಟ್ಟಿದ್ದರು. ಅವರ ಮೃತ ದೇಹವನ್ನು ಪುತ್ತೂರು ಶಾಸಕರ ವಾರ್‌ರೂಮ್‌ನ ತುರ್ತು ವಿಭಾಗದ ಪಿ.ಜಿ.ಜಗನ್ನಿವಾಸ ರಾವ್ ಮತ್ತು ಕಿರಣಶಂಕರ ಮಲ್ಯ ನೇತೃತ್ವದಲ್ಲಿ ಮೃತರ ಗಂಡ ಮತ್ತು ಸಂಬಂಧಿಕರು ಪುತ್ತೂರು ಮಡಿವಾಳಕಟ್ಟೆಯ ಸ್ಮಶಾನದಲ್ಲಿ ಕೋವಿಡ್ ನಿಯಮಾವಳಿಯಂತೆ ಪಿಪಿಇ ಕಿಟ್ ಧರಿಸಿ ಅಂತ್ಯಸಂಸ್ಕಾರ ನಡೆಸಿದರು.