ಅನಾಥ ಚೀಲದಲ್ಲಿ ಕೈಕಾಲು ತುಂಡರಿಸಲ್ಪಟ್ಟ ಮಹಿಳೆಯ ಮೃತ ದೇಹ

ಹೊಸದಿಲ್ಲಿ : ಆಗ್ನೇಯ ದಿಲ್ಲಿಯ ಸರಿತಾ ವಿಹಾರದಲ್ಲಿ  ಅನಾಥ ಚೀಲವೊಂದು ಪತ್ತೆಯಾಗಿದ್ದು ಅದರೊಳಗೆ ಮೃತ ಮಹಿಳೆಯ ತುಂಡರಿಸಲ್ಪಟ್ಟ ಅಂಗಾಂಗಗಳು ಇರುವುದು ಕಂಡುಬಂದಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಖಾಲಿ ಸ್ಥಳವೊಂದರಲ್ಲಿ ಚೀಲವೊಂದು ಬಿದ್ದಿರುವ ಬಗ್ಗೆ ಸ್ಥಳೀಯರು ಪೊಲೀಸರಿಗೆ ಫೋನ್‌ ಮಾಡಿ ತಿಳಿಸಿದ್ದರು. ಆ ಪ್ರಕಾರ ಸ್ಥಳಕ್ಕೆ ಧಾವಿಸಿ ಬಂದು ಚೀಲವನ್ನು ವಶಕ್ಕೆ ತೆಗೆದುಕೊಂಡು ತೆರೆದು ನೋಡಿ ಪೊಲೀಸರಿಗೆ ಬ್ಯಾಗಿನೊಳಗೆ ಕೈಕಾಲು ತುಂಡರಿಸಲ್ಪಟ್ಟ ಮಹಿಳೆಯ ದೇಹ ಕಂಡುಬಂತು.

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಮೃತ ಮಹಿಳೆ ಯಾರೆಂಬುದನ್ನು ಗುರುತಿಸುವ ಯತ್ನ ನಡೆದಿದೆ.