ಮಹಿಳೆಯ ಮೇಲೆ ಖೇಣಿ ದರ್ಪ

ಬೆಂಗಳೂರು: ಕ್ರೆಸೆಂಟ್‌ ರಸ್ತೆಯಲ್ಲಿ ಶುಕ್ರವಾರ ಮಧ್ಯಾಹ್ನ ಉಂಟಾಗಿದ್ದ ಟ್ರಾಫಿಕ್‌ ಜಾಮ್‌ನಲ್ಲಿ ಸಿಲುಕಿ ಕಾರು ಹಿಂತೆಗೆದುಕೊಳ್ಳಲು ವಿಳಂಬ ಮಾಡಿದ ಮಹಿಳೆಗೆ ಉದ್ಯಮಿ, ಮಾಜಿ ಶಾಸಕ ಅಶೋಕ್‌ ಖೇಣಿ, “ಸ್ಟುಪಿಡ್‌’ ಎಂದು ನಿಂದಿಸಿ ದರ್ಪ ಮೆರೆದಿದ್ದಾರೆ. 

ಟ್ರಾಫಿಕ್‌ ಜಾಮ್‌ ವೇಳೆ ಅಶೋಕ್‌ ಖೇಣಿ ಕೂಡ ಸಿಲುಕಿಕೊಂಡಿದ್ದರು. ಈ ವೇಳೆ ಮುಂದೆ ಕಾರು ಚಲಾಯಿಸುತ್ತಿದ್ದ ಮಹಿಳೆ ತನ್ನ ಕಾರು ಹಿಂತೆಗೆದುಕೊಳ್ಳಲು ಪರದಾಡುತ್ತಿದ್ದರು, ಕೆಲವು ನಿಮಿಷವಾದರೂ ಆಕೆ ಕಾರು ತೆಗೆದುಕೊಳ್ಳಲು ಸಾಧ್ಯವಾಗಲಿಲ್ಲ.

ಇದರಿಂದ ತಾಳ್ಮೆ ಕಳೆದುಕೊಂಡ ಖೇಣಿ , ಮಹಿಳೆಯ ಕಾರಿನ ಬಳಿ ತೆರಳಿ ಸ್ಟುಪಿಡ್‌ , ವೈ ಆಎರ್‌ ಯು ಬ್ಲಾಕಿಂಗ್‌ ಮಿ ಎಂದು ಏರುದನಿಯಲ್ಲಿ ಕೂಗಾಡತೊಡಗಿದ್ದಾರೆ. ಈ ದರ್ಪವನ್ನು ಅಲ್ಲಿದ್ದ ಮಾಧ್ಯಮ ಪ್ರತಿನಿಧಿಗಳು ಚಿತ್ರೀಕರಣ ಮಾಡಲು ಕ್ಯಾಮೆರಾ ತೆಗೆದುಕೂಡಲೇ ಮೆತ್ತಗಾಗಿ ಕೂಡಲೇ ಅಲ್ಲಿಂದ ತೆರಳಿದ್ದಾರೆ. 

ಘಟನೆ ಸಂಬಂಧ ಯಾವುದೇ ದೂರು ದಾಖಲಾಗಿಲ್ಲ ಎಂದು ಹೈಗ್ರೌಂಡ್ಸ್‌ ಠಾಣೆ ಪೊಲೀಸರು ಸ್ಪಷ್ಟಪಡಿಸಿದ್ದಾರೆ.