ದಕ್ಷಿಣ ಗೋವೆಯಲ್ಲಿ ಮಹಿಳೆಯ ಕೊಲೆ; ಇಬ್ಬರು ಆರೋಪಿಗಳು ಅರೆಸ್ಟ್‌

ಪಣಜಿ: ದಕ್ಷಿಣ ಗೋವೆಯ ಸಾಂಗ್ವೆ ಯಲ್ಲಿ  30ರ ಹರೆಯದ ಮಹಿಳೆ ಕೊಲೆಯಾಗಿದ್ದು ಪೊಲೀಸರು ಆ ಸಂಬಂಧ ಇಬ್ಬರು ಶಂಕಿತರನ್ನು ಬಂಧಿಸಿದ್ದಾರೆ.

ವಲೆನ್ಸಿಯಾ ಫೆರ್ನಾಂಡಿಸ್‌ ಎಂಬ ಮಹಿಳೆಯ ಮೃತ ದೇಹ ನಿನ್ನೆ ಶುಕ್ರವಾರ ಗ್ರಾಮವೊಂದರ ಅರಣ್ಯ ಪ್ರದೇಶದಲ್ಲಿ ಪತ್ತೆಯಾಗಿತ್ತು.

ಈ ಸಂಬಂಧ ಶೈಲೇಶ್‌ ವೆಲಿಪ್‌ ಮತ್ತು ಇನ್ನೊಬ್ಬ ವ್ಯಕ್ತಿಯನ್ನು ಪೊಲೀಸರು ಕೆಲ ತಾಸುಗಳ ಬಳಿಕ ಬಂಧಿಸಿದರು.

ತನಗೆ ಕೊಟ್ಟಿದ್ದ ಸಾಲವನ್ನು ಮಹಿಳೆಯು ಪದೇ ಪದೇ ವಾಪಸ್‌ ಕೇಳುತ್ತಿದ್ದ ಕಾರಣ ತಾನು ಆಕೆಯನ್ನು ಕೊಂದೆ ಎಂದು ವೆಲಿಪ್‌ ತಪ್ಪೊಪ್ಪಿ ಕೊಂಡಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ.