ಎಸ್‌ಯುವಿ ಢಿಕ್ಕಿ ಹೊಡೆದ ಕಾರಿಗೆ ಬೆಂಕಿ; ಮಹಿಳೆ ಸುಟ್ಟು ಕರಕಲು

ಮುಂಬಯಿ : ವೇಗವಾಗಿ ಧಾವಿಸಿ ಬರುತ್ತಿದ್ದ ಎಸ್‌ಯುವಿ ವಾಹನವೊಂದು ಢಿಕ್ಕಿ ಹೊಡೆದು ಕಾರಿಗೆ ಬೆಂಕಿ ಹೊತ್ತಿಕೊಂಡ ಪರಿಣಾಮವಾಗಿ ಕಾರಿನಲ್ಲಿದ್ದ 35ರ ಹರೆಯದ ಮಹಿಳೆ ಸುಟ್ಟು ಕರಕಲಾದ ಘಟನೆ ಮಹಾರಾಷ್ಟ್ರದ ಬೀಡ್‌ ಜಿಲ್ಲೆಯಲ್ಲಿ ನಡೆದಿದೆ.

ಕಾರಿನಲ್ಲಿ ಮಹಿಳೆಯ ಜತೆಗಿದ್ದ ಆಕೆಯ ಪತಿ ಮತ್ತು 14ರ ಹರೆಯದ ಪುತ್ರಿ ಗಂಭೀರ ಸುಟ್ಟ ಗಾಯಗಳಿಗೆ ಗುರಿಯಾಗಿದ್ದಾರೆ.

ಜ್ಞಾನೇಶ್ವರ ಜಾಧವ್‌ (40), ಅವರ ಪತ್ನಿ ಮನೀಶಾ ಮತ್ತು ಪುತ್ರಿ ಲಾವಣ್ಯ ಅವರು ಪರ್ಭನಿಯಲ್ಲಿ ಮದುವೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಪುಣೆಗೆ ಮರಳುತ್ತಿದ್ದಾಗ ಜೀವರಾಯ್‌ ತೆಹಶೀಲ್‌ನ ಕೊಲಗಾಂವ್‌ ನಲ್ಲಿ ಇಂದು ಮಧ್ಯಾಹ್ನ 12.30ರ ಸುಮಾರಿಗೆ ಈ ಅಪಘಾತ ಘಟಿಸಿತು ಎಂದು ಪೊಲೀಸರು ತಿಳಿಸಿದ್ದಾರೆ.